Johnny Marr
John Martin Maher, nado o 31 de outubro de 1963, é un músico, compositor e cantante inglés. Marr deuse a coñecer como a guitarrista e co-compositor da banda The Smiths, que estivo activa entre 1982 e 1987. Dende entón actuou en numerosas banda e comezou unha carreira como artista en solitario.
  | |
| Biografía | |
|---|---|
| Nacemento | (en) John Martin Maher 31 de outubro de 1963 (60 anos)Manchester, Reino Unido |
| Datos persoais | |
| País de nacionalidade | Reino Unido |
| Educación | The Manchester College (en)  |
| Actividade | |
| Ocupación | guitarrista , compositor de cancións , produtor musical , cantante , poeta , músico |
| Período de actividade | 1977 - |
| Empregador | University of Salford (en) |
| Membro de | The Cribs (2008–2011) The The (pt) (1988–1994)The Smiths (–1987) Modest Mouse Johnny Marr & the Healers (pt) Electronic (pt) |
| Xénero artístico | Rock alternativo, indie pop, indie rock, Jangle pop e dance alternativo (pt) |
| Pseudónimo literario | Johnny Marr |
| Lingua | Lingua inglesa |
| Instrumento | Guitarra e voz |
| Selo discográfico | Rough Trade Records |
| Participou en | |
| 2019 | Rock en Seine (pt) |
Premios
| |
| Páxina web | johnny-marr.com |
          | |
Nado en Ardwick, Manchester, de pais irlandeses, Marr formou a súa primeira banda con 13 anos. Tocou en varios grupos con Andy Rourke antes de formar The Smiths con Morrissey en 1982. The Smiths conseguiu un importante éxito comercial e foi aclamada pola crítica, sendo o estilo jangle pop da guitarra de Marr un elemento distintivo do son da banda, pero separouse en 1987 debido a diferenzas persoais entre Marr e Morrissey. Dende entón, Marr foi membro de The Pretenders, The The, Electronic, Modest Mouse, e The Cribs, e converteuse nun prolífico músico de sesión, traballando con artistas como Talking Heads e Hans Zimmer.
Despois de publicar un álbum titulado Boomslang en 2003 baixo o nome Johnny Marr and the Healers, Marr editou o seu primeiro álbum en solitario, The Messenger, en 2013. O seu segundo traballo en solitario, Playland, lanzouse en 2014, seguido por un terceiro, Call the Comet, en 2018. A autobiografía de Marr, Set the Boy Free, foi publicada no ano 2016.
Fotada o cuarto mellor guitarrista dos últimos 30 anos nunha enquisa realizada pola BBC en 2010,[1] Phil Alexander, editor xefe de Mojo, describiu a Marr como "posiblemente o último gran estilista da guitarra británico".[2] En 2013, NME honrou a Marr co seu premio "Godlike Genius", dicindo: "non contento con reescribir a historia da música cunha das mellores bandas do mundo, The Smiths, continúa a empuxar os límites e a evolucionar a través da súa carreira, traballando con algúns dos mellores e máis excitantes artistas do planeta".[3]
Notas editar
- ↑ BBC. "BBC - 6Music News - Chilis star wins Axe Factor". www.bbc.co.uk (en inglés). Consultado o 2020-03-30.
- ↑ Revista Mojo. Febreiro de 2013. Número 231.
- ↑ "Johnny Marr receives top NME award". BBC News (en inglés). 2013-02-11. Consultado o 2020-03-30.