Illa de San Clemente

A Illa de San Clemente (Illa de San Clemente, Illa de San Cremenzo, Illa do Santo do Mar) é unha illa galega privada da provincia de Pontevedra situada no litoral do sur do concello de Marín na parroquia de Ardán, situada entre a praias de Lapamán e Loira.

Illa de San Clemente
vista da illa
Illa de San Clemente Localización no mapa provincial.
Situación
País	Galicia
Provincia	Pontevedra
Mar	Océano Atlántico
Xeografía
Superficie	0´014 km²
Punto máis alto	15 m.

Características

É un illote de 1,4 hectáreas moi próxima á costa, con quen chega a unirse nas grandes baixamares mediante un tómbolo areoso; o resto da illa está rodeado de arrecife. Está cuberta de pradería e ela hai un par de piñeiros de bo porte. A illa é un terreo sen urbanizar no que nada se pode construír. Son terreos protexidos e non dispón de zona de atraque para chegar en barco, só se pode fondear na súa costa.

Consérvanse as ruínas da ermida de San Clemente, na que antigamente se celebraba unha concorrida romaría. A devandita ermida foi cantada na Idade Media polo trobador galego Nuno Treez nunha cantiga de amigo:

[...]

San Clemenço do Mar,

se mi d'el non vingar,

non dormirei,

San Clemenço señor.

Se vingada fôr,

non dormirei.

Se mi d'el non vingar,

do fals' e desleal,

non dormirei.

Se vingada non fôr

do fals'e traedor

non dormirei.

[...]

Galería de imaxes

• 
  Capela de San Clemente, Illa do Santo do Mar, Marín
• 
  Vista xeral da Illa do Santo do Mar (Marín) desde a súa praia

Véxase tamén

Outros artigos

• Illas de Galicia

Bibliografía

• Fernández de la Cigoña Núñez, Estanislao (1991). Illas de Galicia. Xerais. ISBN 978-8475075822. 
• Ramírez, C. (2004). Islas de Galicia (en castelán). Era Editorial. ISBN 978-84-933775-8-8. 

Ligazóns externas

• Nieves D. Amil (18 de agosto de 2022). "A la venta por 300.000 euros la isla de O Santo, en la ría de Pontevedra". La Voz de Galicia.