Flor de lis

A flor de lis é unha flor de azucena estilizada que é empregada como un deseño decorativo ou como símbolo. Moitos dos santos cristiáns son representados a miúdo cunha azucena, sendo o máis destacado san Xosé. Como Francia foi orixinalmente unha nación católica, a flor de lis converteuse "ó mesmo tempo, nun obxecto relixioso, político, dinástico, artístico, emblemático e simbólico", especialmente na heráldica francesa.

Flor de lis.

En heráldica é moi común e simboliza a pureza, polo que adoita representar a Nai de Deus. A lenda di que un anxo lle deu unha flor de azucena de ouro a Clodoveo I, monarca franco da dinastía merovinxia, que se convertera ó cristianismo. Séculos máis tarde, no século XII con Lois VI, a flor de lis é empregada como distintivo no escudo da casa real francesa. A flor de lis proveniente da casa real de Francia aparece no escudo de moitas cidades deste estado, na bandeira do Quebec e no escudo de España, entre outros. A flor de lis é tamén o emblema da cidade de Florencia.

Galería

• 
  Escudo antigo dos reis de Francia.
• 
  Escudo do Reino de Francia (dende o século XIV).
• 
  Escudo de Florencia
• 
  Escudo de Gaià.
• 
  Escudo de Senan.
• 
  Escudo de Montuïri.