Chlamydophila
| Chlamydophila | |||||||||||||
|---|---|---|---|---|---|---|---|---|---|---|---|---|---|
| |||||||||||||
| Clasificación científica | |||||||||||||
| |||||||||||||
| Especies[1] | |||||||||||||
| |||||||||||||
Chlamydophila é un xénero de bacterias pertencente á familia Chlamydiaceae,[2] orde Chlamydiales, clase/filo Chlamydiae. As especies deste novo xénero estaban antes clasificadas no xénero Chlamydia. O establecemento deste xénero foi controvertido no seu momento e seguiu séndoo, ata que en 2015 se volveu a integrar o xénero de novo dentro de Chlamydia.
Taxonomía editar
O xénero Chlamydophila foi recoñecido en 1999,[3] e creado con seis especies que antes pertencían ao xénero Chlamydia (o cal quedou así só con tres especies). Todas as Chlamydiae son bacterias anaerobias cun ciclo de vida cun desenvolvemento en dúas fases que depende do seu crecemento intracelular obrigado en células hóspede eucarióticas.
Antes de 1999 o criterio para distinguir as especies de clamidias non era excluínte. Por exemplo, naquel momento o xénero Chlamydia era igual á familia Chlamydiaceae, xa que todas as especies estaban clasificadas nese xénero; C. psittaci distinguíase de C. trachomatis pola súa resistencia á sulfadiacina, aínda que non todas as C. psittaci eran resistentes; C. pneumoniae clasificábase pola súa aparencia vista con microscopio electrónico e a súa capacidade de infectar aos humanos, aínda que o aspecto visto ao microscopio electrónico difería dun grupo de investigación a outro, e todas estas especies infectaban aos humanos.
A taxonomía sistemática establecida para as Chlamydiae en 1999 utiliza os criterios postos ao día e imperantes actualmente na clasificación das bacterias, como a reasociación ADN-ADN, semellanza nos xenes dos ARNr 16S e 23S, agrupamento con semellanza de secuencia de xenes codificantes de proteínas, e tamaño do xenoma. Tamén se empregan criterios de complementarios, como a detección de antíxenos,[4] tinguidura do glicóxeno, asociación co hóspede, e morfoloxía vista con microscopio electrónico, dependendo da súa aplicabilidae e dispoñibilidade. En 1999, moitas cepas de Chlamydia foron reorganizadas e asignadas ao xénero novo Chlamydophila.
As análises de xenómica comparativa identificaron gran cantidade de proteínas sinatura que só están presentes en especies do xénero Chlamydia ou Chlamydophila, o que apoia a distinción destes xéneros.[5] Con todo, esta visión foi posta en dúbida por unha análise de xenoma completo máis recente, que fixo que algúns autores propuxeran volver a "reunificar as Chlamydiaceae nun só xénero, Chlamydia".[6] Esta controversia na nomenclatura continuou durante varios anos.[7] Finalmente, en 2015 a inclusión das especies do xénero Chlamydophila de novo no xénero Chlamydia foi aceptada de forma xeral.[8] [9][10] [11]
Diferenciación de Chlamydophila editar
A semellanza na reasociación ADN-ADN media que distingue Chlamydophila de Chlamydia é 10,1% (95% intervalo de confianza = 6,8 a 13,5), o que se considera un vaor aceptable para separar os dous xéneros.
A diverxencia entre Chlamydophila e Chlamydia indícase pola agrupación con semellanza de secuencia de xenes de proteínas codificadas e de ARN ribosómico. As secuencias dos xenes de ARNr 16SA de Chlamydophila e Chlamydia son idénticos en aproximadamente un 95%. Porén, o 95% non é un punto de corte para separar as Chlamydiaceae, senón só unha guía para establecer novos xéneros dentro das familias das clamidias. Os xenes de ARNr 23S de lonxitude completa de Chlamydophila e Chlamydia son idénticos en menos do 95%.
| Xénero | Tamaño do xenoma aproximado (millóns de pares de bases de ADN) |
Glicóxeno detectable | Número de operóns ribosómicos |
|---|---|---|---|
| Chlamydophila | 1,2 | Non | 1 |
| Chlamydia | 1,0 | Si | 2 |
Especies editar
Son características específicas de especie tipicamente a morfoloxía vista con microscopio electrónico, resistencia a antibióticos, e plásmidos extracromosómicos.
Chlamydophila comprendía as seguintes especies:
Notas editar
- ↑ J.P. Euzéby. "Chlamydophila". List of Prokaryotic names with Standing in Nomenclature. Arquivado dende o orixinal o 16 de outubro de 2011. Consultado o 2011-06-11.
- ↑ MeshName - Chlamydophila
- ↑ Everett KD, Bush RM, Andersen AA (1999). "Emended description of the order Chlamydiales, proposal of Parachlamydiaceae fam. nov. and Simkaniaceae fam. nov., each containing one monotypic genus, revised taxonomy of the family Chlamydiaceae, including a new genus and five new species, and standards for the identification of organisms". Int. J. Syst. Bacteriol. 49 (2): 415–40. PMID 10319462. doi:10.1099/00207713-49-2-415.
- ↑ Everett, K D; Bush, R M (2001-01-01). "Molecular evolution of the Chlamydiaceae.". International Journal of Systematic and Evolutionary Microbiology (en inglés) 51 (1): 203–220. ISSN 1466-5026. doi:10.1099/00207713-51-1-203.
- ↑ Griffiths E, Ventresca MS, Gupta RS (2006). "BLAST screening of chlamydial genomes to identify signature proteins that are unique for the Chlamydiales, Chlamydiaceae, Chlamydophila and Chlamydia groups of species". BMC Genomics 7: 14. PMC 1403754. PMID 16436211. doi:10.1186/1471-2164-7-14.
- ↑ Stephens RS, Myers G, Eppinger M, Bavoil PM (2009). "Divergence without difference: phylogenetics and taxonomy of Chlamydia resolved". FEMS Immunol. Med. Microbiol. 55 (2): 115–9. PMID 19281563. doi:10.1111/j.1574-695X.2008.00516.x.
- ↑ "Chlamydia/Chlamydophila group". NCBI taxonomy database. National Center for Biotechnology Information, U.S. National Library of Medicine. Consultado o 2013-03-26.
Dada a natureza contenciosa deste asunto, a Base de Datos Taxonómica do NCBI mantén os nomes dos dous xéneros para o uso dos que envíen traballos.
- ↑ Bavoil P, Kaltenboeck B, Greub G (March 2013). "In Chlamydia veritas". Pathogens and Disease 67 (2): 89–90. PMID 23620152. doi:10.1111/2049-632X.12026.
- ↑ Bachmann NL, Polkinghorne A, Timms P (August 2014). "Chlamydia genomics: providing novel insights into chlamydial biology". Trends in Microbiology 22 (8): 464–72. PMID 24882432. doi:10.1016/j.tim.2014.04.013.
- ↑ Sachse K, Bavoil PM, Kaltenboeck B, Stephens RS, Kuo CC, Rosselló-Móra R, Horn M (March 2015). "Emendation of the family Chlamydiaceae: proposal of a single genus, Chlamydia, to include all currently recognized species". Systematic and Applied Microbiology 38 (2): 99–103. PMID 25618261. doi:10.1016/j.syapm.2014.12.004. hdl:10261/123714.
- ↑ Borel N, Polkinghorne A, Pospischil A (May 2018). "A Review on Chlamydial Diseases in Animals: Still a Challenge for Pathologists?". Veterinary Pathology 55 (3): 374–390. PMID 29310550. doi:10.1177/0300985817751218.
Véxase tamén editar
Ligazóns externas editar
- Chlamydophilagenomes and related information at PATRICArquivado 10 de maio de 2013 en Wayback Machine., a Bioinformatics Resource Center funded by NIAID
- Taxonomic Outline of the Procaryotes, Bergey's Manual of Systematic Bacteriology, Second Edition Release 1.0, April c. [1]