Úrvalsdeild Karla
A Úrvalsdeild Karla (en galego, Liga Premier de Islandia ou Liga islandesa de fútbol) é a máxima categoría do fútbol profesional en Islandia. Está organizada pola Federación de Fútbol de Islandia e os seus equipos poden disputar torneos da UEFA. A competición dispútase entre a primavera e o verán a causa das condicións climatolóxicas do país. Actualmente é coñecida polo nome de Pepsideild karla polo patrocinio da bebida Pepsi.
| Úrvalsdeild Karla | |
|---|---|
| Fundación | 1912 |
| Rexión |  Islandia |
| Equipos | 12 |
| Actual campión | KR |
| Máis laureado | KR Reiquiavik |
| Televisión | Sport Five, Sitöö 2 Sport |
| Sitio web | http://www.ksi.is/ |
Historia editar
A primeira edición do torneo tivo lugar no ano 1912 como unha competición entre 3 clubs de Reiquiavik: o KR Reykjavik, o Fram e o ÍBV, resultando vencedor o KR Reykjávik. Os anos 1913 e 1914 o Fram proclamouse campión da competición sen ter disputado un só partido debido a que ningún outro equipo se presentou á competición. Posteriormente, o campionato foise ampliando a máis clubs. En 1955, con 6 clubs en Primeira, estableceuse un sistema de ascensos e descensos que dinamizaba o campionato, e en 1959 engadiuse ao sistema de liga regular partidos na casa e a domicilio, do mesmo xeito que se facía noutros países. A partir de 1964 os equipos islandeses poden entrar nas competicións europeas da UEFA.
A pesar de que o campionato se celebra dende 1912, foi en 1951 cando un equipo que non era de Reiquiavik gañou por primeira vez a Liga, sendo o ÍA Akranes, da cidade de Akranes.
Actualmente, e dende 2008, o campionato conta con 12 clubs e é totalmente profesional, aínda que algúns equipos teñen unha situación semi-profesional debido ao estado do fútbol en Islandia.
Sistema de competición editar
O campionato o forman 12 clubs. Aínda que contou tradicionalmente con 10 equipos, este número foi ampliado a 12 na tempada 2008. Os equipos xogan dúas veces entre si ao longo da tempada, na casa e a domicilio. Ao final da tempada os dous últimos equipos descenden á 1. deild karla (Primeira División), sendo substituídos polos 2 primeiros desa categoría.
O campión da Liga participa na UEFA Champions League partindo dende a Primeira rolda de clasificación, mentres que o segundo e o campión da Copa xogan a UEFA Europa League a partir da rolda previa.
Equipos na tempada 2015 editar
| Club | Cidade | Estadio | Capacidade | Tempadas | Títulos | Posto no 2014 |
|---|---|---|---|---|---|---|
| Breiðablik UBK | Kópavogur | Kópavogsvöllur | 2.501 | 30 | 1 | 7º |
| FH | Hafnarfjörður | Kaplakriki | 3.000 | 31 | 6 | 2º |
| Fjölnir | Reiquiavik | Fjölnisvöllur | 9.800 | 4 | 0 | 9º |
| Fylkir | Reiquiavik | Fylkisvöllur | 5.000 | 19 | 0 | 6º |
| ÍA | Akranes | Akranesvöllur | 6.000 | 64 | 18 | 2º (1.deild) |
| ÍBV | Vestmannaeyjar | Hásteinsvöllur | 1.500 | 51 | 4 | 10º |
| Keflavík ÍF | Keflavík | Keflavíkurvöllur | 6.200 | 51 | 4 | 8º |
| KR Reykjavik | Reiquiavik | KR-völlur | 6.000 | 101 | 26 | 3º |
| Leiknir | Reiquiavik | Leiknisvöllur | 1.025 | 1 | 0 | 1º (1.deild) |
| Stjarnan | Garðabær | Stjörnuvöllur | 1.000 | 13 | 1 | 1º |
| Valur | Reiquiavik | Vodafonevöllurinn | 2.225 | 95 | 20 | 5º |
| Vikingur | Reiquiavik | Vikingsvöllur | 1.450 | 63 | 5 | 4º |
Palmarés editar
|
|
|
|
Campionatos por club editar
| Club | Títulos | Primeiro título | Último título |
|---|---|---|---|
| KR Reykjavik | 26 | 1912 | 2014 |
| Valur | 20 | 1930 | 2007 |
| Akraness | 18 | 1951 | 2001 |
| Fram | 18 | 1913 | 1990 |
| Víkingur | 5 | 1920 | 1991 |
| FH | 6 | 2004 | 2012 |
| Keflavík FC | 4 | 1964 | 1973 |
| Íþróttabandalag Vestmannaeyja | 3 | 1979 | 1998 |
| Knattspyrnufélag Akureyrar | 1 | 1989 | 1989 |
| Breiðablik UBK | 1 | 2010 | 2010 |
| Stjarnan | 1 | 2014 | 2014 |
Véxase tamén editar
Ligazóns externas editar
- KSI.is (sitio da Federación Islandesa de Fútbol)
- Úrvalsdeild en UEFA.com