Fada

As fadas (do latín fata) son espíritos da natureza que coidan a natureza para manter o seu equilibrio. O seu nome en latín significa destino, xa que as fadas son unha transposición das moiras gregas, unhas criaturas que aparecen o terceiro día do nacemento dun neno para predicir o seu futuro.

Unha fada pintada por Sophie Anderson.

Dende o romanticismo, son representadas como mozas ou nenas con ás. Moitas veces aparecen nos contos populares, e sempre de pequeno tamaño, de gran beleza e cun moi bo corazón. Porén, na idade media, eran representadas como un espírito protector, ou, moitas veces, malicioso e para protexerse delas, a xente usaba un amuleto de ferro negro.