Moiras

divindades da mitoloxía grega
Este artigo trata sobre as personaxes mitolóxicas, para a auga saturada de sal, véxase o artigo moira.

As moiras son na mitoloxía grega as tres irmás e deusas que rexen o destino dos homes. Teñen o seu equivalente nas parcas da mitoloxía romana.

HistoriaEditar

As Moiras son as executoras do Destino, cousa que fan a través do seu oficio de tecelás, usando un fío que representa a vida. Existen dúas versións da súa orixe: segundo a Teogonía de Hesíodo son fillas de Nix ou Nicte, que as xerou por si mesma, soa; non obstante, son consideradas normalmente e de modo alegórico, fillas de Zeus e Temis, a Xustiza. Aparecen representadas normalmente como tres vellas tecelás ou fiadoras, e os seus símbolos son a roca, o fuso e as tesoiras. Presentes en tódolos grandes acontecementos, as Moiras eran a miúdo veneradas como deusas do nacemento: as recentemente casadas atenienses ofrendábanlles guechos de cabelo, e as mulleres invocábanas facéndolles xuramento.

  • Cloto, a fiadeira. é a maior das irmás e traballa na roca o Fío da Vida.
  • Láquesis, a que asigna o destino, é a segunda, e enrola ese fío.
  • Átropos, a inflexible. é a menor, encargada de cortalo cando a existencia da persoa chega ó seu final.