Lérez, Pontevedra: Diferenzas entre revisións

'''San Salvador de Lérez''' é unha parroquia que se localiza no concello de [[Pontevedra]]. Segundo os datos do [[INE]] a 1 de xaneiro de [[2008]] tiña 1.802 habitantes (902 mulleres e 900 homes), distribuídos en 21 entidades de poboación, o que supón un aumento en relación ao ano [[2007]] cando tiña 1.771 habitantes.

 

A [[Camiño portugués|ruta portuguesa]] do [[camiño de Santiago]] correspóndese ao seu paso pola parroquia coa [[vía romana XIX]] do [[itinerario de Antonino]].

 

En 1925 foi creada a [[Caja Rural de Lérez]], que permaneceu activa até 1936, sendo pechada tralo [[Alzamento Nacional]]. O 10 de setembro dese mesmo ano, no contexto da [[guerra civil española]], apareceu morto no lugar da Gándara Juan Magdalena García, labrego de 36 anos veciño de Cerponzóns, que foi paseado<ref>[http://vitimas.nomesevoces.net/gl/ficha/8136/ Ficha] na web do proxecto [[As vítimas, os nomes, as voces e os lugares]].</ref>.

 

No lugar de Casaldarado estaba o [[castelo de Cedofeita]], de importancia entre o [[século X]] e o [[século XIII]].

 

O [[mosteiro de San Salvador de Lérez]], situado nun outeiro sobre o [[Río Lérez, ría de Pontevedra|río Lérez]], aparece documentado desde finais do [[século IX]]. Nel aloxáronse e viviron persoeiros como o Pai [[Benito Xerónimo Feijoo e Montenegro|Xerónimo Feijoo]] ou o pai [[Frei Martín Sarmiento|Martín Sarmiento]]. Trala [[desamortización de Mendizábal]], os monxes víronse obrigados a abandonar o mosteiro, converténdose o templo na igrexa parroquial. Actualmente consérvase o claustro monacal, adxunto á igrexa.

 

O [[11 de xullo]], día de [[San Bieito]], celébrase a [[romaría de San Benitiño de Lérez]], onde os fieis van curar as [[espulla]]s e a pedir saúde ao "santo máis milagreiro".

 

O C.D. Lérez é un dos equipos de fútbol decanos da cidade, sendo creado en [[1913]].

 

{{Lp Lérez}}

{{PontevedraConcello}}

 

 

 

[[Categoría:Parroquias de Pontevedra]]