Alessandra Giliani
Alessandra Giliani, nada probablemente en San Giovanni in Persiceto en 1307 e finada o 26 de marzo de 1326, foi a primeira muller en ser rexistrada en documentos históricos como practicante da anatomía, o que hoxe se chamaría patoloxía.[1]
  | |
| Biografía | |
|---|---|
| Nacemento | 1307 San Giovanni in Persiceto, Italia (pt)  |
| Morte | 3 de abril de 1326 (18/19 anos) |
| Educación | Universidade de Boloña |
| Actividade | |
| Ocupación | anatomista |
| Empregador | Universidade de Boloña |
| Profesores | Mondino de Liuzzi (pt) |
Algúns estudosos consideran que foi inventada por Alessandro Machiavelli (1693-1766),[2] mentres outros manteñen que a participación dunha muller na anatomía nesa época era tan asombrosa que foi suprimida da historia.[3]
Traxectoria
editar
Crese que Giliani naceu en 1307. A crónica da súa vida afirma que faleceu en 1326, posiblemente por unha ferida séptica, aos dezanove anos.[1] Lembrada como a primeira anatomista feminina do mundo occidental, foi célebre por ser unha brillante prosectora (preparadora de cadáveres para a disección anatómica). Traballou como asistente cirúrxica para Mondino de Luzzi (falecido en 1326), profesor de sona na Universidade de Boloña e acreditado por ser o pai da anatomía moderna grazas a un texto seminal datado en 1316.[3]
De Giliani dise que levou a cabo as súas propias investigacións anatómicas, como o desenvolvemento dun método para drenar o sangue dun cadáver e a súa substitución por un endurecemento de tintura e cor, axudando á compresión do sistema circulatorio coronario pulmonar. Toda a evidencia do seu traballo perdeuse ou foi destruído.
A curta vida de Alessandra Giliani foi honrada por Otto Angenius, tamén un dos axudantes de Mondino e, probablemente, o seu prometido, cunha placa no San Pietro e Marcellino degli Spedolari di Santa Maria di Mareto, o d'Ulmareto,[4] que describe o seu traballo.
Legado
editarFoi mencionada polo historiador do século XIX Michele Medici, que publicou unha historia sobre a escola boloñesa de anatomía en 1857.
A novela de Barbara Quick,A Golden Web publicada por HarperTeen en 2010, é unha ficción que imaxina a vida nos tempos de Alessandra Giliani.
O cráter de Venus Giliani foi bautizado na súa honra.[5]
O seu nome aparece no Heritage Floor da instalación The Dinner Party da artista Judy Chicago.[6]
Notas
editar- ↑ 1,0 1,1 Oakes, Elizabeth H. (2007). Encyclopedia of world scientists (en inglés) (Rev. ed.). Nova York: Facts on File. ISBN 1438118821.
- ↑ Anthony Grafton , Forgers and Critics: Creativity and Duplicity in Western Scholarship , 1990 Note 5 on p. 138
- ↑ 3,0 3,1 Quick, Barbara. "Alessandra in History". A Golden Web (en inglés). Arquivado dende o orixinal o 25 de xuño de 2011. Consultado o 25 de xullo de 2013.
- ↑ Medici, Michele (1857). Compendio storico della Scuola anatomica di Bologna (en italiano). pp. 28–30. Consultado o 30 de agosto de 2014.
- ↑ Working Group for Planetary System Nomenclature (1995). Gazetteer of Planetary Nomenclature 1994 (PDF) (en inglés). Washington: International Astronomical Union, United States Government Printing Office. p. 16.
- ↑ Alessandra Giliani en The Dinner Party
Véxase tamén
editarBibliografía
editar- Alessandro Macchiavelli, Effemeridi sacro-civili perpetue bolognesi, Boloña, 1739
- Michele Medici, Compendio storico della Scuola anatomica di Bologna dal rinascimento delle scienze e delle lettere a tutto il secolo 18, con un paragone fra la sua antichità e quella delle scuole di Salerno e di Salerno e di Padova, Tipografia Governativa Della Volpe e del Sassi, Boloña, 1857
- Elizabeth H. Oakes, Encyclopedia of world scientists, Vol. 1, Infobase Publishing, 2007 ISBN 9780816061587
- Marta Cavazza, MACCHIAVELLI, Alessandro, Dizionario Biografico degli Italiani, vol. LXVI, pp. 24-28, Istituto dell'Enciclopedia italiana Treccani
- Franco Bacchelli, LIUZZI, Mondino de' (Mundinus, Raymundinus; de Leuciis, de Liuciis, de Luciis), Dizionario Biografico degli Italiani, vol. LXV, pp. 309-314, Istituto dell'Enciclopedia italiana Treccani