Espartaco (Ourense)

Espartaco
	;
Fundación	1935
Remata	1936
Lingua	lingua castelá
Localidade	Ourense
Descrito por	Enciclopedia Galega Universal
	[ editar datos en Wikidata ]

Espartaco foi un periódico editado en Ourense entre 1935 e 1936.

Historia e características

Subtitulado Periódico antifascista, apareceu a mediados de decembro de 1935.^[1] Periódico semanal, que logo pasou a quincenal, de tendencia comunista, dirixido por Severino Nóvoa Gutiérrez.^[2] Editado na imprenta de La Región. No periódico colaboraban xunto cos antigos trotskistas, mozos socialistas e comunistas, e membros das Mocedades Galeguistas, como Armando Fernández Mazas, Mario Fernández Mazas, Luís Taboada Camoeiras, Amadeo Varela Rodríguez, Eduardo Villot Canal e José Luís López Cid.

Foi multado polo Goberno civil en marzo de 1936^[3] e novamente en maio, por non respectar a censura.^[4] Cesou a súa publicación en xullo de 1936.

↑ El País, 18-12-1935, p. 1.
↑ El Compostelano, 13-10-1937, p. 2.
↑ El Pueblo Gallego, 18-3-1936, p. 12, informa dunha multa do Gobernador civil ao semanario Espartaco por inxurias ao Exército e á Garda civil.
↑ El Pueblo Gallego, 6-5-1936, p. 12.

"Espartaco". Enciclopedia Galega Universal. Ir Indo. 1999-2002. ISBN 84-7680-288-9.
Valcárcel López, Marcos (1987). A prensa en Ourense e a súa provincia. Ourense: Deputación Provincial. p. 212. ISBN 84-505-5721-6.
——— (1999). "A República e os poetas: O compromiso dos escritores que militaron no republicanismo de esquerda en Ourense (1931-1936)". Cinguidos por unha arela común: Homenaxe ao profesor Xesús Alonso Montero. Santiago de Compostela: Universidade. p. 1376. ISBN 84-8121-806-5.