Escarapote

Escarapote Scorpaena scrofa
Clasificación científica
Reino: Animalia Filo: Chordata Clase: Actinopterygii Orde: Escorpeniformes Familia: Escorpénidos Xénero: Scorpaena Especie: S. scrofa
Nome binomial
Scorpaena scrofa Linnaeus, 1758
Sinonimia
Scorpaena barbata (non Bonnaterre, 1788) Scorpaena barbata (non Gronow, 1854) Scorpaena lutea Risso, 1810 Scorpaena natalensis Regan, 1906 Scorpaenopsis natalensis (Regan, 1906) Sebastapistes scorfa (Linnaeus, 1758)

O escarapote, aínda que tamén reciben este nome outras especies do mesmo xénero, ou bispo, Scorpaena scrofa é un peixe da familia dos escorpénidos de cor vermella e cuberta de espiñas. O seu peso pode chegar até case os 3 kg pero son raros os exemplares de máis de 1,5–2 kg. Normalmente atópase a profundidades desde os 10 aos 500 m, aínda que é posible atopalos con pouca auga semienterrados na area.

Características

Durante o día permanecen aletargados en fendas rochosas, e pola noite saen dos seus agochos para buscar comida, quedan inmóbiles e grazas á súa camuflaxe conseguen capturar pequenos peixes e crustáceos. A súa pel cóbrese de algas e aproximadamente cada dúas semanas realizan unha muda da mesma.

Nome común

Coñecido normalmente por escarapote, en castelán denomínase escorpena ou rascacio (hai varias especies do xénero Scorpaena). En Cataluña chámase escórpora e no Cantábrico como cabracho, sendo tamén coñecido en Asturias como tiñosu. En Baleares chámase cap roig e en Murcia como gallina. No País Vasco coñécese como itsaskabra (cabra de mar en éuscaro). Nas Canarias coñécese como cantarero.

Usos

En culinaria é un peixe moi valorado, de altísima calidade. En Cataluña prepárase cocido con patacas, nun famoso prato que se coñece co nome de suquet de peix.

É común facer un pastel deste peixe, coñecido como pastel de escarapote.

Véxase tamén

Ligazóns externas

• Ficha
• Ficha FishBase