Escílax de Carianda
Escílax de Carianda (en latín Scylax, en grego Σκύλαξ ) foi un viaxeiro de Carianda en Caria, a quen Darío I o Grande enviou nunha viaxe de descubrimento ao Indo.
| Nome orixinal | (grc) Σκύλαξ ὁ Καρυανδεύς  |
|---|---|
| Biografía | |
| Nacemento | século VI a. C. Caryanda (en)  |
| Morte | século V a. C. |
| Datos persoais | |
| Residencia | Caryanda (en) |
| País de nacionalidade | Caryanda (en) |
| Actividade | |
| Ocupación | explorador , escritor , biógrafo , historiador , Navegante |
| Empregador | Darío I |
| Lingua | Grego antigo |
Traxectoria editar
Saíu de Caspatiros cara ao leste ata chegar ao Indo e despois ao mar, seguindo o seu curso; despois pasou cara ao océano Índico e cara ao Mar Vermello rodeando a Península Arábiga, desde onde se dirixiu de novo a Caria. A súa viaxe durou trinta meses[1].
Estrabón di que Escílax era un escritor antigo e menciona algúns dos seus textos. Atribúeselle un Período da Terra e un Periplo das costas máis aló das Columnas de Hércules, dos que se conservan algúns fragmentos[2]. Unha obra chamada Periplo de Pseudo-Escílax (ou Περίπλους τῆς θαλάσσης οἰκουμένης Εὐρώπης καὶ Ἀσίας καὶ Λιβύης), escrita arredor do século IV que describe varios países de Europa, Asia e África leva o seu nome, ao parecer como homenaxe ou porque o autor aproveitou algunhas das notas de Escílax[3].