Encoro da Fervenza

pantano artificial creado en 1966 no río Xallas

Coordenadas: 42°59′18″N 9°00′40″O / 42.988365, -9.011198

O encoro da Fervenza é un pantano artificial creado en 1966 no río Xallas (o máis grande deste río), situado entre os concellos de Dumbría, Mazaricos, Vimianzo e Zas. A súa capacidade é de 103 hm³ e ocupa unha superficie de 1.250 hectáreas. A presa, cunha altura de 27 m e unha lonxitude de 127 metros, érguese sobre os lindes que separan os concellos de Dumbría e Mazaricos, toma o seu nome dun dos dous pequenos montes que forman a gorxa onde se asentan os seus cimentos: o Castelo da Fervenza (na parroquia de Olveira).

Encoro da Fervenza
Localización administrativa
EstadoEspaña
Localización xeográfica
ContinenteEuropa
CuncaGalicia Costa
Características
Superficie1.250 hectáreas
Capacidade103 hm³
Outros datos
Comunidade autónomaGaliza
ProvinciaA Coruña
ConcellosDumbría, Mazaricos, Vimianzo, Zas
Tipo e usopantano artificial
central hidroeléctrica
Mapa

Localización do Encoro da Fervenza

Historia editar

Foi creado para abastecer unha central hidroeléctrica, operada na actualidade pola empresa Ferroatlántica.

A súa construción cambiou a vida dos habitantes desta comarca pois inundou grandes vales e extensas áreas de cultivo. Ademais o volume da auga embalsada variou o clima da zona lixeiramente, aumentando a humidade e formando grandes bancos de néboa con frecuencia. Baixo as súas augas ficou tamén o dolmen da Gándara de Baíñas, só visíbel cando o nivel das augas baixa considerablemente. O movemento das augas foi desgastando as pedras e a mámoa, que agora se conserva como residuo. Aínda se pode observar claramente a circunferencia da mámoa, que envolve esta chanta vertical puntiaguda. Ao seu carón están o resto de pedras que conformaban o dolmen rotas, unha delas pola metade.[1]

Entre o encoro e a desembocadura en forma de fervenza do Xallas pódense atopar tres presas hidroeléctricas máis: a da Ponte Olveira, Castrelo e a de Santa Uxía.

No ano 2007, os responsábeis da xestión do aproveitamento autorizaron o baleirado do encoro para a máxima produción de electricidade, xerando uns beneficios de 610.000 euros mais causando un gran desastre ecolóxico xa que provocou a morte de milleiros de peixes. Por ese motivo foron condenados os responsábeis cunha multa de pouco máis de 300.000 euros.

Galería de imaxes editar

Notas editar

  1. "Anta na Gándara de Baíñas". Consultado o 2016-08-04. 

Véxase tamén editar

Ligazóns externas editar