Emilio Mac Gregor
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Emilio Mac Gregor, nado en Cidade de México en 1962 e finado na Coruña o 16 de febreiro de 2008, foi un director de cine e televisión galego.
| Emilio Mac Gregor | |
|---|---|
| Nacemento | 1962 |
| Lugar de nacemento | Cidade de México |
| Falecemento | 16 de febreiro de 2008 |
| Lugar de falecemento | A Coruña |
| Nacionalidade | España |
| Ocupación | director de cinema e produtor de cinema |
| [ editar datos en Wikidata ] | |
TraxectoriaEditar
Neto de galegos de Lugo e de escoceses, fillo do actor e director mexicano Eduardo Mac Gregor e dunha exiliada republicana galega, Emilio Mac Gregor naceu en México pero aos dez anos viaxou a Madrid, seguindo o traballo de seu pai. Despois dun ano nos Países Baixos, 1973, regresou á capital de España, onde logo de estudar filosofía tomou contacto co mundo do cine. Volveu a México como consecuencia do tremor de terra de México, e nos anos oitenta marchou de novo a España para comezar a traballar en televisión, como técnico no programa Lo + Plus da recentemente creada cadea Canal +.
En 1999 veu a Galicia a traballar como realizador da serie Mareas vivas. Seguiu na produción da serie ata o ano 2002. Tamén dirixiu outros produtos para a Televisión de Galicia, así como diversos documentais e curtametraxes.
FilmografíaEditar
- E punto! (2005), curtametraxe dentro de Hai que botalos!
- O que dis que din (2003), documental
- La luz que me ilumina (1999)
Ficción para televisiónEditar
- Mareas vivas (2000-2002)
- Terra de Miranda (2001)
TelevisiónEditar
- El tercer tiempo (Canal+)
- El día después (Canal+)
- Lo más + (Canal+)