El florido pensil
El florido pensil (de título completo El florido pensil. Memoria de la escuela nacionalcatólica) é un libro de 1994.[1] Foi escrito por Andrés Sopeña Monsalve, profesor de Dereito na Universidade de Granada e especialista en comunicación social.[2] O autor do prólogo é Gregorio Cámara Villar, catedrático de Dereito Constitucional na mesma universidade.[3]
| El florido pensil | |
|---|---|
 | |
| Orixe | España |
| Lingua | lingua castelá |
| [ editar datos en Wikidata ] | |
Consiste nunha recreación do sistema educativo da posguerra española. Os trazos identitarios deste eran a ideoloxía nacionalcatólica do primeiro franquismo e unha metodoloxía tradicional baseada no dogmatismo. A imposición da autoridade mediante a disciplina tiña como consecuencia a adquisición rutineira dos coñecementos por memorización, sen permitir a máis mínima posibilidade de cuestionamiento nin crítica. A comprensión dos contidos non era importante, de feito, o propio título fai referencia a unha expresión incomprensíbel para os nenos.
A nostalxia, a inxenuidade e o uso da ironía son comúns na presentación dos contidos da obra.[4]
Foi adaptada ao teatro polo grupo vasco Tanttaka (1996)[5] e o galego Eme2[6] e ao cine por Juan José Porto (2002).[7]
Significado de «florido pensil» editar
O título está inspirado nun verso dunha letra de autoría descoñecida da Marcha Real que aparece na Enciclopedia Álvarez:
Fuiste de glorias florido pensil
hoy reverdecen a un impulso juvenil
«Pensil» ou «pénsil» (o Diccionario de la lengua española acepta ambas as acentuacións) procede do latín pensĭlis (colgante: que colga ou está suspendido no ar). O adxectivo aplícase en especial aos xardíns (por referencia histórica, aos xardíns colgantes de Babilonia).
Véxase tamén editar
Outros artigos editar
Ligazóns externas editar
- Texto da obra de teatro Arquivado 15 de setembro de 2014 en Wayback Machine., Cervantes Virtual
Notas editar
- ↑ Sopeña Monsalve, Andrés (1994). El florido pensil (en castelán). Prólogo de Gregorio Cámara Villar. Crítica. ISBN 9788474236736.
- ↑ Rodríguez Gómez, Ramón G. (4 de xuño de 1997). "Andrés Sopeña, escritor: "Me duele que la lectura sea obligatoria y se haga sin amor"". Andalucía Educativa (en castelán) (4): 56.
- ↑ "GREGORIO CÁMARA VILLAR". Universidad de Granada (en castelán). Consultado o 13 de febreiro de 2023.
- ↑ "DEBATE DEL MES: FEBRERO 2011". Bormujoseduca 2.0 (en castelán). 4 de febreiro de 2011. Consultado o 13 de febreiro de 2023.
- ↑ Esteban, Rafael (28 de xuño de 2007). "Ensayo educativo". El Mundo (en castelán). Consultado o 13 de febreiro de 2023.
- ↑ "O florido pénsil". Asociación de Actores e Actrices de Galicia.
- ↑ "El florido pensil (2002)". Filmaffinity (en castelán). Consultado o 13 de febreiro de 2023.