El Valdoncel

El Valdoncel foi un xornal editado en Betanzos en 1890.

Traxectoria

Subtitulado Diario de Betanzos, apareceu en marzo de 1890. O fundador e propietario era Fernando Boni Castro. Estivo dirixido por Adolfo Vázquez Gómez e entre os seus redactores figuraron José Alguero Penedo, Juan Gómez Navaza e Ramón Sanjurjo Ossorio. En maio o director e os redactores abandonaron o xornal para fundar El Mendo e Manuel J. Lema pasou a dirixir o xornal. O último número conservado é o 240, do 27 de outubro de 1890. En novembro de 1890 fusionouse con El Mendo, e a nova publicación conservou o título de El Mendo coa dirección de Adolfo Vázquez Gómez.

Véxase tamén

Ligazóns externas

• El Valdoncel na Hemeroteca de Betanzos Arquivado 26 de maio de 2012 en Wayback Machine.