El Raval

El Raval é un barrio de Barcelona, situado no distrito de Ciutat Vella, nacido da ampliación das murallas medievais da cidade, aínda que é probable que existisen asentamentos anteriores.

Situación do barrio.

Atópase delimitado polo barrio do Poble-sec, a través da Avenida do Paral·lel; co Barrio de Sant Antoni, a través das Roldas de Sant Pau e Sant Antoni; e co Barrio Gótico, a través da rúa Pelai e La Rambla. Entre as súas principais arterias destacan a Rúa do Carme, a Rúa Nou de la Rambla e a Rambla do Raval.

No Raval conviven hoxe en día aldeáns e xente vinda de múltiples países e culturas. Nas súas rúas poden verse comercios de todas as nacionalidades e ata tendas de moda e novas tendencias, sobre todo na parte alta do barrio.

Tamén é coñecida a rúa da Cera, cunha gran e histórica comunidade de etnia xitana. O nome provén dos ríos de cera formados polas numerosas candeas colocadas ante a virxe desa rúa, para protexerse da peste. Desta comunidade xurdiu a rumba catalá.

Durante moitos anos foi popularmente coñecido como o Barrio Chinés de Barcelona.

Galería de imaxes

• 

  O Mercado de La Boqueria

Véxase tamén

Ligazóns externas

• El Raval, na web do Concello de Barcelona (en castelán)