El Inquilino Comunista
El Inquilino Comunista é unha banda de indie-rock procedente de Getxo (Euskadi) considerada pioneira deste estilo musical na península xunto a Los Planetas ou Penelope Trip. O seu estilo foi a miúdo denominado noise-pop e bebía de referentes principalmente estadounidenses dos últimos 80 e primeiros 90 como Pixies, Sonic Youth, Pavement ou Dinosaur Jr, ademais de Velvet Underground.
| El Inquilino Comunista | |
|---|---|
| Orixe | Getxo, Biscaia,  País Vasco |
| Período | 1992 - presente |
| Xénero(s) | Rock alternativo, indie |
| Selo(s) discográfico(s) | Radiation |
| Membros | Álvaro Real (guitarra e voz) Javier Letamendia (batería) Ricardo Andrade (baixo) Santi Real (guitarra e voz) |
| Antigos membros | Juan Losada (baixo) Ricardo Zamanillo (baixo) |
| Na rede | |
| www.elinquilinocomunista.com | |
   | |
Alleos á industria musical e máis dispostos a divertirse emulando aos seus ídolos que a agradar a un gran público, o cuarteto cantaba en inglés, a pesar do seu nome, que fai referencia á menstruación, e, como os citados referentes, baseou a súa música na melodía e nunha distorsión que foi pulíndose na súa curta evolución.
Publicaron tres discos entre 1993 e 1996, El Inquilino Comunista, Bluff e Discasto ademais de varios singles e EPs.
No 2006, e trala publicación dunha caixa recopilatoria (Dogbox), volveron a subir a un escenario para unha festa aniversario dun selo discográfico nun concerto dobre en Madrid e Barcelona canda Devendra Banhart, e máis tarde para participar na primeira edición do Bilbao Live Festival, onde retomaron o contacto co público da súa localidade.
O grupo segue reuníndose de vez en cando para tocar.