Eitan Livni
Ieruham "Eitan" Livni (en hebreo: ירוחם "איתן" לבני), nado en Hrodna (Polonia, actualmente Belarús) en 1919 e finado en Israel o 27 de decembro de 1991, foi un activista do revisionismo sionista, membro do Irgún, e político israelí.
| Biografía | |
|---|---|
| Nacemento | 1 de abril de 1919  Hrodna, Belarús |
| Morte | 27 de decembro de 1991 (72 anos) Israel |
| Lugar de sepultura | Nahalat Yitzhak Cemetery (en)  |
| Membro de Knesset | |
| 21 de xaneiro de 1974 – 13 de agosto de 1984 | |
| Datos persoais | |
| País de nacionalidade | Israel |
| Actividade | |
| Lugar de traballo | Xerusalén |
| Ocupación | político , industrial |
| Partido político | Likud |
| Lingua | Lingua hebrea |
| Familia | |
| Cónxuxe | Sara Livni (en) |
| Fillos | Tzipi Livni |
Traxectoria editar
Livni -cuxo alcume Eitan significa "forte" en hebreo- naceu na entón cidade polaca de Grodno, e emigrou a Palestina no 1925, con seis anos de idade. No 1938, cando contaba con 19 anos, uniuse ao entón clandestino Irgún, onde serviu coma axente operativo. Destacou na súa actividade a fuga da prisión de Acre, logo de pasar dous anos dos quince aos que fora condenado polas autoridades británicas.
Logo da creación de Israel, foi membro da Asemblea de Herut, onde apoiou as posturas do logo primeiro ministro Menachem Begin. Posteriormente ingresou no Likud, partido co cal ocupou o cargo de deputado na Knesset durante tres lexislaturas consecutivas, do 1973 ao 85.
O seu matrimonio con Sarah Rosenberg, compañeira do Irgún, foi o primeiro que se celebrou en Israel, casando o 15 de maio de 1948 ao día seguinte da declaración de independencia [1]. Froito desa relación naceu a súa filla Tzipora, que despois do falecemento do seu pai comezou a súa andaina na política, chegando a ser presidenta do Kadima no 2008 e candidata por ese partido ao Goberno de Israel.
Notas editar
- ↑ Tzipi Livni, nos pasos de Golda Meir?[Ligazón morta]; "Sarah e Eitan, ademais, foron a primeira parella en casar no Estado de Israel, o 15 de maio de 1948. O seu matrimonio realizouse durante a Conta do Omer, tempo no que está prohibido realizar este tipo de cerimonias. Porén, a voda realizouse igual co consentimento do Gran Rabino deses anos, que aceptou a solicitude realizada pola nai do noivo, que temía que non podería ver ao seu fillo casar."
Véxase tamén editar
Outros artigos editar
Ligazóns externas editar
- Ficha na Knesset
- Biografía na Biblioteca virtual xudía.