Edward Turner Bennett
Edward Turner Bennett, nado en Hackney (Londres), o 6 de xaneiro de 1797 e finado o 21 de agosto de 1836 en Londres, foi un médico, zoólogo e escritor inglés.
| Edward Turner Bennett | |
|---|---|
| Nacemento | 6 de xaneiro de 1797 |
| Lugar de nacemento | Londres |
| Falecemento | 21 de agosto de 1836 |
| Lugar de falecemento | Londres |
| Nacionalidade | Reino Unido de Gran Bretaña e Irlanda |
| Ocupación | zoólogo, ictiólogo e médico |
| Irmáns | John Joseph Bennett |
| [ editar datos en Wikidata ] | |
Traxectoria editar
E, T. Bennett naceu en Hackney, e fixo prácticas de cirurxía, pero o seu principal interese sempre foi a zooloxía.
En 1822 intentou establecer unha sociedade de entomoloxía, que máis adiante se convertería nunha sociedade de zooloxía cunha certa conexión coa Sociedade linneana de Londres. Este foi o comezo da Zoological Society of London, da cal Bennett foi secretario entre 1831 e 1836.
Entre as súas obras destacan The Tower Menagerie (1829) e The Gardens and Menagerie of the Zoological Society (1831). Tamén escribiu, xunto con G. T. Lay, a sección sobre peixes na obra Zoology of Beechey's Voyage (1839).
Honores editar
Eponimia editar
Na súa honra dedicáronse as seguintes especies:[1]
- Abrocoma bennettii Waterhouse, 1837
- Gazella bennettii Sykes, 1831
- Civeta de Bennett Cynogale bennettii Gray, 1837
- Mimon bennettii Gray, 1838
Abreviatura editar
As abreviaturas Bennet e E. T. Bennet empréganse para indicar a Edward Turner Bennett como autoridade na descrición e taxonomía en zooloxía.
Notas editar
- ↑ Bo Beolens, Michael Watkins, Michael Grayson. The Eponym Dictionary of Mammals. Ed. JHU Press, 2009. ISBN 0-8018-9304-6.
Véxase tamén editar
Bibliografía editar
- Bennett, Edward Turner (1797-1836), zoologist no Dictionary of National Biography.