Eduard Adolf Strasburger
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Eduard Adolf Strasburger, nado en Varsovia o 1 de febreiro de 1844 e finado en Bonn o 18 de maio de 1912, foi un botánico, pteridólogo, micólogo e algólogo alemán de orixe polaco, dos máis famosos do século XIX.
Eduard Adolf Strasburger | |
---|---|
Eduard Adolf Strasburger (1908) | |
Datos persoais | |
Nome completo | Eduard Adolf Strasburger |
Nacemento | 1 de febreiro de 1844 |
Lugar | Varsovia |
Falecemento | 18 de maio de 1912 |
Lugar | Bonn |
Soterrado | Poppelsdorfer Friedhof |
Residencia | Alemaña |
Nacionalidade | Alemán |
Cónxuxe | Aleksandra Julja Wertheim |
Fillos | Julius Strasburger |
Actividade | |
Campo | Botánica, Pteridoloxía, Micoloxía e Algoloxía |
Alma máter | Rheinische Friedrich-Wilhelms-Universität Bonn e Universidade de Jena |
Contribucións e premios | |
Premios | Medalla Linneana en 1905, e medalla de prata Darwin-Wallace en 1908. |
[ editar datos en Wikidata ] | |
Era fillo de Edward Bogumil Strasburger (1803-1874). En 1870 casa con Aleksandra Julja Wertheim (1847-1902), tendo dous fillos: Anna (1870) e Juliusz (1871-1934).
Despois dos seus estudos en Bioloxía en París, Jena, e Bonn, finalmente obtén o seu doutoramento en Jena en 1866.
En 1868, comeza a ensinar na Universidade de Varsovia.
En 1869, ten un posto de profesor de botánica na Universidade de Jena, ata 1880; cando pasa á Universidade de Bonn, ata a súa morte.
Realiza exploracións con Ernst Haeckel (1834-1919).[1]
Conságrase ó estudo da embrioloxía vexetal, facendo observacións novidosas sobre a embrioloxía das ximnospermas. A súa obra sobre a citoloxía vexetal é igualmente pioneira.
Xunto a Walther Flemming, e Edouard van Beneden dilucida a distribución cromosómica durante a división celular. O seu estudo sobre o movemento do zume das plantas polo xilema e polo floema probou que o proceso era físico e non fisiolóxico.
Strasburger é designado membro estranxeiro da Royal Society o 26 de novembro de 1891, recibindo a Medalla Linneana en 1905, e a Medalla Darwin-Wallace en 1908.
Obra editar
- Über Zellbildung und Zellteilung, 1875
- Die Angiospermen und die Gymnospermen, 1879
- Chromosomenzahlen, Plasmastrukturen, Verebungsträger und Reduktionstellung, 1909
Foi membro fundador do grupo que redactou a famosa obra Lehrbuch der Botanik de 1894, que dende aquela vén sendo traducido, reimprimido e reeditado, para ser utilizado como libro de texto por estudantes de botánica en todo o mundo.
Honores editar
Epónimos editar
Notas editar
Wikispecies posúe unha páxina sobre: Eduard Adolf Strasburger |