Domingo Rodríguez Moscoso
Domingo Rodríguez Moscoso, coñecido como Patacheira, nado en San Clodio (Ribas de Sil) o 2 de outubro de 1912 e finado en Cidade de México o 2 de marzo de 1982, foi un empresario e político galego.
| Biografía | |
|---|---|
| Nacemento | 2 de outubro de 1912  San Clodio, España |
| Morte | 2 de marzo de 1982 (69 anos) Cidade de México |
| Datos persoais | |
| País de nacionalidade | España |
| Actividade | |
| Ocupación | empresario , militar |
Traxectoria editar
Albanel pintor. Afiliado á Sociedad de Oficios Varios (UGT) e á Agrupación Socialista de San Clodio en maio de 1931. Logo da folga xeral revolucionaria de 1934 estivo detido durante catro meses. Ao producirse o golpe de Estado do 18 de xullo de 1936 fuxiu. Afiliouse ao PCE, foi miliciano do Batallón Asturias 19 e tenente de Carabineiros. Encartado no sumario 1102/37, foi xulgado por rebelión militar e declarado en rebeldía. Ao rematar a guerra exiliouse en Francia onde foi recluído no campo de concentración de Argelès-sur-Mer. O 27 de xullo de 1939 chegou a Veracruz como polisón no vapor Mexique.[1] En México afiliouse á Agrupación Socialista Española e dedicouse aos negocios. Fixo fortuna coa súa propiedade no estado de Xalisco.