Domingo Díaz de Robles

militar e escritor galego

Domingo Díaz de Robles, nado en Ferrol o 2 de xuño de 1812 e finado en Madrid o 1 de abril de 1867, foi un militar e escritor galego.

Infotaula de personaDomingo Díaz de Robles
Biografía
Nacemento2 de xuño de 1812 Editar o valor em Wikidata
Ferrol, España Editar o valor em Wikidata
Morte1 de abril de 1867 Editar o valor em Wikidata (54 anos)
Madrid, España Editar o valor em Wikidata
Datos persoais
País de nacionalidadeEspaña Editar o valor em Wikidata
Actividade
Ocupaciónxornalista Editar o valor em Wikidata
LinguaLingua castelá Editar o valor em Wikidata

BNE: XX940954

Traxectoria

editar
 
Álbum de la Caridad. Juegos Florales de La Coruña en 1861.[1]

Comezou a carreira militar en 1836 e participou na primeira guerra carlista nas batallas de Galaneta, Alcora –pola que acadou a Cruz de San Fernando–, Morella e Lucena. En 1840 foi destinado a Santiago de Compostela e sete anos máis tarde participou coa expedición española na sufocación da sublevación Patuleia de Portugal (1846-1847) e despois foi nomeado capitán do batallón provincial da Coruña. Durante a súa estadía en Compostela desempeñou unha das cátedras do colexio de Distinguidos de Galicia e participou na constitución da Academia Literaria de Santiago, da que chegou a ser presidente interino. Foi un dos iniciadores dos estudos sobre folclore ferrolán ao publicar en 1860 en El Eco Ferrolano unha colección de romances alusivos á súa cidade natal. Fundou e dirixiu o xornal El Idólatra de Galicia (1841-1842) e colaborou con poemas e traballos históricos en varios xornais e revistas, como o aparecido no Anuario Ferrolano para 1904 titulado Primera mención histórica de San Julián de Ferrol ou Galicia, etimoloxía do seu nome, en Galicia. Revista Universal de este Reino. Entre os seus poemas destacan “Mi mayor honor”, incluído no Álbum de la Caridad, "El anacoreta del siglo XXI" e "Al patriótico pronunciamiento de Santiago el 12 de setiembre de 1840", ambos os dous de 1840. Tamén é autor da edición e prólogo de Poesías de la Srta. Amalia Fenollosa (1843), Biografía del licenciado D. José García Mazo, magistral de la S.C.I. de Valladolid (1851) e Colección biográfica de los tipos notables de Galicia, desde los tiempos más remotos hasta nuestros días (1853), da que só se publicaron dúas entregas. Do seu labor como poeta en galego consérvanse trece poemas recollidos en Colección de poesías gallegas de diferentes autores (1865), de Xosé Casal Lois.

Véxase tamén

editar

Bibliografía

editar
  • Ríos Panisse, M. C. : Un precursor. Domingo Díaz de Robles (1812-1867) in Homenaxe á profesora Pilar Vázquez Cuesta, 1996, ISBN 84-8121-476-0, p. 585-603.

Ligazóns externas

editar