Domingo Cubeiro
Domingo Cubeiro, nado en Gandarío (Bergondo) en 1892 e finado en Buenos Aires en xaneiro de 1968, foi un xornalista galego.
| Biografía | |
|---|---|
| Nacemento | 1892  Gandarío, España |
| Morte | 1968 (75/76 anos) Buenos Aires, Arxentina |
| Datos persoais | |
| País de nacionalidade | España |
| Actividade | |
| Ocupación | xornalista , político |
| Pseudónimo literario | Gandarío |
| Lingua | Lingua castelá |
Traxectoria editar
Emigrou de novo a Arxentina. Formou parte da directiva da sociedade A Terra fundada en Buenos Aires en 1917.[1] En 1924 trasladouse aos Estados Unidos onde viviu algúns anos. Colaborou en Céltiga e en La Prensa de Nova York e foi correspondente nesa cidade da revista Claridad. Regresou a Arxentina en 1930, pero viaxou de novo aos Estados Unidos a finais dos anos trinta, onde coincidiu con Ramón Suárez Picallo e Castelao. Nos anos vinte fíxose comunista, pero despois mantívose nunha postura independente sen abandonar o marxismo. Foi dirixente da Federación de Sociedades Gallegas Agrarias y Culturales da que foi membro da comisión de prensa (1938-1947 e 1955-1959) e escribiu en Galicia de forma habitual dende 1938 utilizando o pseudónimo Gandarío, periódico que chegou a dirixir. Socialista contrario ao galeguismo, despois da Guerra Civil estivo moi influído polas posicións do PCE.
Vida persoal editar
Casou con Modesta Ramos que finou en 1951, e logo volveu casar con María F. Vignale.
Notas editar
- ↑ El Diario de Pontevedra, 26-7-1917, p. 2.
Véxase tamén editar
Bibliografía editar
- Díaz, Hernán M. (2007). Historia de la Federación de Sociedades Gallegas. Buenos Aires: Fundación Sotelo Blanco-Biblos. pp. 223–224. ISBN 978-950-786-574-9.