Diário Liberdade

Diário Liberdade é un xornal electrónico de liña editorial anticapitalista realizado en Galiza e de ámbito lusófono. Conta con colaboradores galegos, portugueses e brasileiros. As súas linguas de publicación son o portugués e o galego, este último na súa normativa oficial e na proposta pola AGAL.

Diário Liberdade
Tipo	Xornal dixital
Fundación	8 de febreiro de 2010
Lingua	Portugués, Galego normativo (RAG) e Galego reintegrado (AGAL)
Na rede
gz.diarioliberdade.org/index.php Diário Liberdade
[ editar datos en Wikidata ]

Historia e liña editorial

Publicado o 8 de febreiro de 2010, promóveo a Associaçom Cultural Diário Liberdade, con sede en Ferrol, e non ten fins lucrativos. Os obxectivos do Diário Liberdade son a "dinamización e participación activa dos sectores máis desfavorecidos da sociedade na difusión da información que producen e/ou lles di a respecto". Tamén a defensa da pluralidade informativa e a independencia dos poderes económicos e empresariais están entre os seus obxectivos.

O Diário Liberdade inclúe todo o abano ideolóxico da esquerda tradicionalmente denominada revolucionaria, excluíndo a abertamente reformista: aí recollen as diferentes familias do comunismo e dos chamados novos movementos sociais (feminismo, ecoloxismo, antimilitarismo etc. ). Tamén asomen unha posición independentista galega.

A liña editorial do Diário Liberdade ten unha posición reintegracionista.

Véxase tamén

Ligazóns externas

• Web do Diário Liberdade Arquivado 21 de marzo de 2011 en Wayback Machine.
• Conta oficial de Twitter