David Testo
David Testo, nado o 7 de agosto de 1981 en Winston-Salem (Carolina do Norte), é un futbolista estadounidense que xogou profesionalmente no Canadá.
| David Testo | |||
|---|---|---|---|
 David Testo en 2009. | |||
| Información persoal | |||
| Nome | David Testo | ||
| Nacemento | 7 de agosto de 1981 (42 anos) | ||
| Lugar de nacemento | Winston-Salem | ||
| Altura | 1,80 m. | ||
| Posición | Centrocampista | ||
| Carreira xuvenil | |||
| 1999-2001 | South Carolina Gamecocks | ||
| 2001-2003 | North Carolina Tar Heels | ||
| Carreira sénior | |||
| Anos | Equipos | Aprs | (Gls) |
| 2003 | Richmond Kickers | 28 | (6) |
| 2004-2005 | Columbus Crew | 33 | (1) |
| 2006–2007 | Vancouver Whitecaps | 34 | (6) |
| 2008–2011 | Montreal Impact | 83 | (3) |
|
Partidos e goles só en liga doméstica. [ editar datos en Wikidata ] | |||
Traxectoria editar
Comezou a xogar ao fútbol no instituto e en 1998 foi nomeado mellor xogador do estado de Carolina do Norte entre os rapaces do seu tempo. Marchou estudar á Universidade de Carolina do Sur, onde xogou co equipo universitario, e logo mudouse á Universidade de Carolina do Norte - Chapel Hill, onde destacou como centrocampista e axudou o equipo local, o Tar Heels, a gañar o campionato rexional da zona norte da costa atlántica.
En 2003 non foi seleccionado nos drafts para que os equipos profesionais escollesen xogadores universitarios, e acabou fichando polos Richmond Kickers, o principal equipo do estado de Virxinia, co que disputou partidos no que daquela era a primeira división do fútbol norteamericano, e onde se agrupaban equipos dos Estados Unidos e do Canadá. A pesar da excelente temporada de Testo, o Richmond descendeu e Testo fichou polo Columbus Crew, o principal equipo de Ohio, co que se mantivo en primeira división. A actuación de Testo é discreta, en parte por culpa de diversas lesións, e ao remate de dúas temporadas o Crew prescinde del.
En 2006 pois, Testo fichou por un equipo de Segunda división, o Vancouver Whitecaps, e xa que logo xogou por primeira vez para un conxunto canadense. O Whitecaps conseguiu ese ano o título ligueiro nos play-offs, e Testo fichou á seguinte tempada polo Montreal Impact, ao igual ca outros xogadores que viñan do Whitecaps. Co Impact en segunda división conseguiu importantes triunfos, entre eles o título de campión do Canadá, co que o equipo se clasifica para xogar por primeira vez a CONCACAF Champions League. A pesar de facer boas campañas en 2008 e 2009, onde foi sinalado como o xogador máis valioso do equipo, en 2011 foi despedido polo conxunto de Montreal.
Vida persoal editar
Uns meses despois de quedar sen equipo, e nunha entrevista para a Radio Canada, Testo recoñeceu abertamente a súa homosexualidade, co que se converteu no primeiro futbolista estadounidense en facelo[1].
Notas editar
- ↑ David Testo affirme son homosexualité, CBC, 10/11/2011.