Dar es Salaam[1] (en árabe: دار السلام, Dār as-Salām; antigamente coñecida como Mzizima) é a maior cidade de Tanzania, cunha poboación de 4 364 541 habitantes segundo o censo oficial de 2012. É o principal centro económico e foi a capital do país até 1996. É tamén a capital da rexión homónima.

Modelo:Xeografía políticaDar es Salaam
Imaxe

Localización
Mapa
 6°48′58″S 39°16′49″L / -6.8161, 39.2803Coordenadas: 6°48′58″S 39°16′49″L / -6.8161, 39.2803
EstadoTanzania
Regiões da Tanzânia (pt) TraducirRexión de Dar es Salaam Editar o valor em Wikidata
Capital de
Poboación
Poboación4.715.000 (2016) Editar o valor em Wikidata (3.384,78 hab./km²)
Xeografía
Superficie1.393 km² Editar o valor em Wikidata
Altitude12 m Editar o valor em Wikidata
Creación1862 Editar o valor em Wikidata
Identificador descritivo
Código postal10000–19999 Editar o valor em Wikidata
Fuso horario
Outro
Irmandado con
Hamburgo (2010–) Editar o valor em Wikidata

Dar es Salaam

Sita na costa do océano Índico, Dar es Salaam é o principal porto de Tanzania, por onde se xestionan as exportacións de café, cotón, pita e peles. As industrias locais comprenden a alimenticia, a téxtil, a do cemento e as farmacéuticas.

Xeografía editar

Dar es Salaam está situada aproximadamente a 6°48' S, 39°17' E, na costa do océano Índico sobre un grande porto natural. Tal localización, próxima á liña ecuatorial e ao mar, fai que a cidade se vexa nun clima tropical, caracterizado por calor e humidade ao longo de case todo o ano. A pluviosidade media anual é sobre 1.100 mm, con dúas estacións chuviosas diferentes, ditas "as chuvias duradeiras" en abril e maio, e as "chuvias curtas" en outubro e novembro. A temperatura media anual e de 25,5 °C.

Historia editar

No 1859, o alemán Albert Roscher achégase a Mzizima ("cidade salutífera") e pon os primeiros chanzos para a penetración xermana na zona. En 1866 o sultán Said Majid de Zanzíbar deulle o seu nome actual, unha frase en lingua árabe que significa Porto da Paz. Dar es Salaam comezou a declinar logo da morte de Majid en 1870. Mais poucos anos despois viuse revitalizada, cando en 1887 a Compañía Alemá da África Oriental estabeleceu nela unha escala. O crecemento da cidade foi facilitado ao exercer o papel de centro administrativo e comercial da África Oriental Alemá, á par que a construción da "Liña Ferroviaria Central" fomentaba o seu crecemento industrial nos comezos do século XX.

A África Oriental Alemá pasou a mans británicas a consecuencia da primeira guerra mundial, e o territorio virou a súa denominación a Tanganica. Dar es Salaam mantén o seu rol de centro administrativo e comercial. So o goberno indirecto dos británicos, desenvolvéronse áreas separadas, europeas (por exemplo Oyster Bay) e africanas (como Kariakoo e Ilala) a certa distancia do centro da cidade. Ademais a actividade de Dar es Salaam atraeu a un gran número de asiáticos, que se asentaron na urbe.

Logo da segunda guerra mundial, Dar es Salaam experimentou un período de rápido crecemento. Despois da obtención da independencia de Tanganica en decembro de 1961, Dar es Salaam continuou a exercer de capital, mesmo cando en 1964 Tanganica e Zanzíbar se uniron para formar Tanzania. Desde 1973 déronse condicións para deslocar a capital a Dodoma, unha cidade situada no interior do país. O proceso de traslado non está aínda completado, entanto Dar es Salaam continúa ser a principal cidade de Tanzania.

O 7 de agosto de 1998 tivo lugar na embaixada estadounidense da cidade un atentado terrorista, vinculado a Al Qaeda, grupo entón liderado por Osama Bin Laden. A cifra de vítimas mortais foi de 11 persoas.

En abril de 2008, Dar es-Salam foi a única cidade de África que acolleu a lapa olímpica antes da súa chegada a Pequín.

Notas editar

  1. Benigno Fernández Salgado, ed. (2004). Dicionario Galaxia de usos e dificultades da lingua galega. Editorial Galaxia. p. 1304. ISBN 9788482887524. 

Véxase tamén editar

Ligazóns externas editar