Ciprinodontiformes

Os Ciprinodontiformes (Cyprinodontiformes) son unha orde de peixes de aletas radiais, da superorde dos Acantopterixios (Acanthopterygii). Comprenden principalmente pequenos peixes de auga doce.

Aphanius mesopotamicus

Existen especies ovíparas, vivíparas e ovovivíparas.

Características

Son peixes de pequeno tamaño e formas variables, ás veces estrañas e caprichosas, moi populares para a cría doméstica nos acuarios. Entre as especies desta orde está o Heterandria formosa, de tan só 8 milímetros de lonxitude cando adultos.

A aleta caudal é simétrica. A liña lateral está formada por canais e poros na cabeza, mentres que ó longo do corpo é só unha liña de escamas apuntadas. Presentan un marcado dimorfismo sexual, estando os machos de moitas das especies brillantemente coloreados.

Distribución

Habitan en ríos de América, África e Asia, e son quen de vivir en ambientes adversos, como augas salobres, moi cálidas, pouco osixenadas e, en xeral, en condicións ambientais ás que non se adaptan outros tipos de peixes. Adoitan ser omnívoros e vivir cerca da superficie, onde a auga é máis rica en osíxeno, o que compensa os inconvenientes ambientais.

Clasificación

Divídense en dúas subordes e dez familias:

• Suborde Aplocheiloidei:
  • Familia Aplocheilidae
  • Familia Nothobranchiidae
  • Familia Rivulidae
• Suborde Cyprinodontoidei:
  • Familia Goodeidae
  • Familia Anablepidae
  • Familia Poeciliidae
  • Familia Cyprinodontidae
  • Familia Fundulidae
  • Familia Profundulidae
  • Familia Valenciidae

Véxase tamén

Ligazóns externas

• Taxonomía ITIS
• Taxonomía Fish Base
• Ficha Heterandria formosa