Anablépidos

(Redirixido desde "Anablepidae")

Os Anablépidos (Anablepidae, Garman 1895 [1]) son unha familia de peixes teleósteos da orde dos Ciprinodontiformes (Cyprinodontiformes). Viven en augas doces interiores de zonas tropicais americanas (desde o sur de México ata o sur de Suramérica) pero pode achegarse ás desembocaduras, soportando augas salobres.

Anableps anableps

CaracterísticasEditar

Corpo alargado, algo deprimido no terzo anterior. A cabeza é ancha e esmagada, coa rexión supraorbital avultada. A boca é horizontal e o maxilar algo protráctil.

O trazo más característico son os ollos, grandes e aparentemente divididos en dous: a metade superior emerxe da superficie da auga e permite a visión exterior; a metade inferior permanece somerxida e permite a visión baixo a auga. Esta característica explica a denominación popular de peixes catro ollos.

Unha soa aleta dorsal, que é pequena e redondeada. A aleta anal dos machos está transformada nun órgano subcónico, destinado á copula. Son vivíparos, excepto o xénero Oxyzygonectes, que é ovíparo.

ClasificaciónEditar

Divídense en tres xéneros e 9 especies:

  • Subfamilia Anablepinae
    • Xénero Anableps
    • Xénero Jenynsia
  • Subfamilia Oxyxygonectinae
    • Xénero Oxyzygonectes

NotasEditar

  1. Antes Anablepsidae.

Véxase taménEditar

Ligazóns externasEditar