Cuadrillas de Áraba
As Cuadrillas de Áraba son as comarcas en que se divide a provincia ou territorio histórico de Áraba, no País Vasco. Son institucións históricas cuxa principal función é a de atender e administrar as necesidades dos seus habitantes, especialmente nas zonas rurais. En éuscaro denomínanse de diferente forma: taldeak, kuadrillak ou eskualdeak.
A división da provincia en cuadrillas remóntase ao século XVI, aínda que a actual división é de 1983 e sancionada definitivamente por unha Norma Foral de 1989.
Os electos dos diversos concellos que forman cada comarca reúnense en consellos comarcais, chamados Cuadrillas, que son órganos de participación e consulta, é dicir, como instrumentos de relación entre aquelas, as Xuntas Xerais de Áraba e a Deputación foral de Áraba, e como entes de promoción e xestión de servizos de interese común das mesmas.
![](http://upload.wikimedia.org/wikipedia/commons/thumb/8/8a/Arabako_eskualdeak.svg/350px-Arabako_eskualdeak.svg.png)
Cuadrilla | Capital | |
---|---|---|
Agurain | Agurain | |
Aiara | Laudio | |
Añana | Rivabellosa | |
Campezo-Montaña Arabesa | Santa Cruz de Campezo | |
Laguardia-Rioxa Arabesa | Laguardia | |
Vitoria | Vitoria | |
Zuia | Zuia |