Cosme López Rodríguez

Cosme López Rodríguez, nado o 16 de decembro de 1915 en Óutara (A Pobra do Brollón) e finado na Rúa o 27 de agosto de 1987, foi un mestre e político galego.

Cosme López Rodríguez

Biografía
Nacemento	16 de decembro de 1915 A Pobra do Brollón, España
Morte	27 de agosto de 1987 (71 anos) A Rúa, España
Alcalde
Datos persoais
País de nacionalidade	España
Actividade
Ocupación	mestre , político
Lingua	Lingua castelá

Traxectoria

Estudou na Escola Normal de Maxisterio de Ourense. Empezou como mestre substituto na escola da Aira Vella en novembro de 1936. Despois da guerra reincorporouse como docente en Celanova e Coles. En 1944 foi destinado á Escola Unitaria da Rúa onde permaneceu ata a inauguración da "Agrupación Escolar Manuel Respino" que impulsou e dirixiu ata a súa xubilación, o 1 de xaneiro de 1983.

Foi alcalde do concello da Rúa pola UCD nas primeiras eleccións democráticas, sendo reelixido en 1983 á fronte de Coalición Galega. Mantívose no cargo ata a súa dimisión en decembro de 1985.

En marzo de 1987 déronlle o seu nome ao IES da Rúa.

Véxase tamén

Outros artigos

• Eleccións municipais na Rúa

Ligazóns externas

• Biografía na web do IES Cosme López Rodríguez Arquivado 04 de marzo de 2016 en Wayback Machine.