Cosmas de Praga
Cosmas de Praga (checo: Kosmas Pražský; latín: Cosmas Decanus), nado en 1045 e finado o 21 de outubro de 1125, foi un sacerdote, escritor e historiador nado nunha familia nobre de Bohemia.
| Cosmas de Praga | |
|---|---|
 | |
| Nacemento | c. 1045 |
| Lugar de nacemento | Praga e Zdice |
| Falecemento | 21 de outubro de 1125 |
| Lugar de falecemento | Praga |
| Nacionalidade | Reino de Bohemia |
| Relixión | cristianismo |
| Ocupación | escritor e historiador |
| [ editar datos en Wikidata ] | |
Traxectoria editar
Entre o 1075 e o 1081, estudou en Liexa. Trala súa volta a Bohemia, fíxose sacerdote e casou, tendo probablemente un fillo. No 1086, Cosmas foi nomeado canónico de Praga, unha posición de prestixio. Coma canónico tamén viaxou a través de Europa en asuntos oficiais.
Obra editar
A súa obra mestra, escrita en Latín, titúlase Chronica Boëmorum (Crónica dos Bohemios). Esta obra divídese en tres libros:
- O primeiro libro, completado no 1119, comeza co Xénese e remata no ano 1038. Describe a fundación lendaria do estado de Bohemia polos antigos Bohemios ó redor do ano 600.
- O segundo libro describe a historia dos Bohemios entre os anos 1038–1092. O libro comeza coas fazañas heroicas do duque Břetislav, coñecido coma o aquiles de Bohemia, por exemplo a vitoria lograda sobre o Reino de Polonia. A crónica tamén describe o longo e gran reinado do rei Vratislav II, que foi coñecido por ser un mandatario estrito, mais valente e bo. Hai ademais unha reflexión sobre as súas guerras en Italia; o libro remata coa morte de Vratislav II.
- O terceiro libro (1092–1125) comeza cunha descrición do tempo de inestabilidade e guerras civís acontecido, trala morte de Vratislav II entre os anos 1092 e o 1109. A crónica remata co reinado de Vladislav I entre os anos 1109 e 1125. O mesmo ano, 1125, Cosmas morreu.
Véxase tamén editar
Ligazóns externas editar
- Chronica Boëmorum — a crónica accesible online en Monumenta Germaniae Historica (en latín)
- Biografía de Cosmas (en inglés)