Cónxuxe

En dereito, denomínase cónxuxe a calquera das persoas físicas que forman parte dun matrimonio. O termo «cónxuxe» é de xénero común, é dicir, pódese usar para referirse a un home («o marido» ou «o cónxuxe») ou a unha muller («a muller» ou «a cónxuxe»). Cando o sexo é descoñecido normalmente dise «cónxuxe» aínda que tamén se pode dicir «o ou a cónxuxe».

Cónxuxes o día do seu casamento, rodeados de parentes.

Como sinónimo de cónxuxe adóitase utilizar o termo «esposo» ou «esposa» (a orixe do termo é o verbo latino spondeo, que significa prometer solemnemente, comprometerse), aínda que tecnicamente non son equivalentes, pois son esposos quen celebraron esponsais, pero aínda non o matrimonio. É sinónimo de consorte.

Usos do termo cónxuxe

Xosé e Anisia no día do seu casamento.

O uso do termo cónxuxe no canto de marido, muller, esposo ou esposa, foise estendendo na área do dereito de familia por diversos motivos, entre os cales cómpre salientar:

• Que a gradual equiparación dos sexos en dereitos e deberes dentro do matrimonio, moitas lexislacións preferiron evitar a mención a cada unha das partes por separado, e falar sempre de «cónxuxes», deixando claro a igualdade xurídica de ambos.
• Recentemente, coa aparición da posibilidade nalgúns países do matrimonio entre persoas do mesmo sexo fíxose necesario nas súas lexislacións utilizar sempre termos neutros ou de xénero común (non «esposa» ou «marido»).

Véxase tamén

Bibliografía

• "cónxuxe". Diccionario enciclopédico galego universal 18. La Voz de Galicia. 2003-2004. p. 38. ISBN 84-7680-429-6. 
• "cónxuxe". Diciopedia do século 21 1. Do Cumio, Galaxia e do Castro. 2006. p. 583. ISBN 978-84-8288-942-9. 
• "cónxuxe". Enciclopedia Galega Universal 6. Ir Indo. 1999-2002. p. 229. ISBN 84-7680-288-9. 

Outros artigos

• Parella de feito
• Primeira dama
• Viuvez

Ligazóns externas

• Definicións no Dicionario da Real Academia Galega e no Portal das Palabras para cónxuxe.