Concello de Jönköping

Concello de Jönköping
	Brasón
	(2007)
Localización
	57°47′00″N 14°12′00″L / 57.7833, 14.2
Estado	Suecia
Condado	condado de Jönköping
Capital	Jönköping
Poboación
Poboación	147.654 (2024) (76,7 hab./km²)
Xeografía
Parte de	Småland ; Q61313576
Superficie	1.924,97 km²
Comparte fronteira con	Concello de Ödeshög ; Concello de Tranemo ; Concello de Ulricehamn ; Concello de Mullsjö ; concello de Habo ; Gislaved (municipio) ; Concello de Nässjö ; Concello de Vaggeryd ; Concello de Tranås ; concello de Aneby ; Hjo (municipio)
Datos históricos
Precedido por	Bankeryd Rural Municipality (en) , Q10509738 , Huskvarna Town (en) , Jönköping Town (en) , Q10556696 , Q10593399 , Q10602506 , Q10602685 , Q10671036 , Södra Mo municipality (en) , Tenhult Rural Municipality (en) e Q10716101
Creación	1 de xaneiro de 1971: (Reforma municipal sueca de 1971)
Organización política
• Chairman of the municipal board in Jönköping Municipality, Sweden (en)	Ann-Marie Nilsson (en) (2014–)
Outro
Irmandado con	Svendborg (pt) ; Bodø ; Kuopio ; Condado de Lääne-Viru ; Gorzów Wielkopolski (2001–)
Sitio web	jonkoping.se

Jönköping é un concello sueco (kommun) do condado de Jönköping.^[1] A súa capital é a cidade de Jönköping, que tamén é a capital do condado. No ano 2022 vivían no concello 144 070 habitantes.^[2]

A paisaxe do concello de Jönköping caracterízase polas pronunciadas fallas cara a parte sur do lago Vättern. Sobre os escarpes de falla, a paisaxe está formada por unha meseta de natureza variada. Máis da metade da superficie do concello está cuberta de bosque, aínda que a zona ten tamén unha cantidade relativamente grande de terreo agrícola en comparación co conxunto do país. Porén, a actividade económica do municipio está caracterizada principalmente polo seu status como capital do condado, o que fai que haxa un importante sector servizos dominado polo sector público.

A meirande parte do concello atópase en Tveta e Vista, dous dos folkland tradicionais de Småland.

Administración histórica

A área do concello correspóndese coa das parroquias de Angerdshestra, Bankeryd, Barnarp, Bottnaryd, Gränna, Hakarp, Järsnäs, Järstorp, Lekeryd, Ljungarum, Mulseryd, Månsarp, Norra Unnaryd, Rogberga, Sandseryd, Skärstad, Svarttorp, Visingsö, Ödestugu, Öggestorp e Ölmstad. Nelas fundáronse concellos rurais co mesmo nome coa reforma municipal de 1862. Dentro da área tamén estaban as cidades de Jönköping e de Gränna que en 1863 formaron cadansúa cidade municipal.

No ano 1907 o köping de Huskvarna separouse do municipio rural de Hakarp para transformarse na cidade de Huskvarna en 1911. En 1910 o concello rural de Ljungarum incorporouse á cidade de Jönköping. No ano 1943 o municipio rural de Sandseryd foi remodelado no köping de Norrahammar. En 1951 o municipio rural de Järstorp dividiuse, pasando unha parte a Bankeryd e outra á cidade de Jönköping.

Coa reforma municipal de 1952 naceron os concellos grandes de Lekeryd (a partir dos anteriores municipios de Järsnäs, Lekeryd e Svarttorp), Norra Mo (de Angerdshestra, Bottnaryd e Mulseryd), Skärstad (de Skärstad e Ölmstad), Södra Mo (de Norra Hestra, Norra Unnaryd, Stengårdshult, Valdshult e Öreryd), e Tenhult (de Barnarp, Rogberga, Ödestugu e Öggestorp). Ao mesmo tempo o municipio rural de Gränna fusionouse coa cidade do mesmo nome. Porén, os concellos rurais de Bankeryd, Hakarp, Månsarp e Visingsö, ao igual que as cidades de Huskvarna e Jönköping, non se viron afectados.

No ano 1967 o concello rural de Hakarps uniuse á cidade de Huskvarna.

O concello de Jönköping fundouse coa reforma municipal de 1971 a partir das cidades de Jönköping, Huskvarna e Gränna, do köping de Norrahammar e dos concellos rurais de Bankeryd, Lekeryd, Månsarp, Norra Mo, Skärstad, Tenhult e Visingsö, así como dunha parte do concello de Södra Mo (a parroquia de Norra Unnaryd).^[3]

Dende a súa fundación o municipio pertence ao partido xudicial de Jönköping.^[4]

Xeografía

O municipio está situado no noroeste do landskap de Småland, no extremo sur do lago Vättern. O concello de Jönköping limita ao noroeste cos de Mullsjö e Habo, ámbolos dous no condado de Jönköping. Ao nordés limita co concello de Ödeshög no condado de Östergötland, ao leste cos de Tranås, Aneby e Nässjö, e ao sur cos de Vaggeryd e Gislaved, todos en Jönköping. Ao oeste limita cos de Tranemo e Ulricehamn no condado de Västra Götaland.

Demografía

Notas

↑ "Län och kommuner i kodnummerordning". web.archive.org. 2017-05-05. Archived from the original on 05 de maio de 2017. Consultado o 2022-09-11.
↑ "Folkmängd i riket, län och kommuner 31 mars 2022 och befolkningsförändringar 1 januari - 31 mars 2022. Totalt". Statistiska Centralbyrån (en sueco). Consultado o 2022-09-11.
↑ Andersson, Per (1993). Sveriges kommunindelning 1863-1993. Mjölby: Bokförlaget Draking. ISBN 91-87784-05-X. OCLC 33359784.
↑ "Domsagohistorik - Jönköpings tingsrätt". bebyggelseregistret.raa.se. Consultado o 16 de setembro de 2022.

[1] "Län och kommuner i kodnummerordning". web.archive.org. 2017-05-05. Archived from the original on 05 de maio de 2017. Consultado o 2022-09-11.

[2] "Folkmängd i riket, län och kommuner 31 mars 2022 och befolkningsförändringar 1 januari - 31 mars 2022. Totalt". Statistiska Centralbyrån (en sueco). Consultado o 2022-09-11.

[3] Andersson, Per (1993). Sveriges kommunindelning 1863-1993. Mjölby: Bokförlaget Draking. ISBN 91-87784-05-X. OCLC 33359784.

[4] "Domsagohistorik - Jönköpings tingsrätt". bebyggelseregistret.raa.se. Consultado o 16 de setembro de 2022.

[1]

[2]

[3]

[4]