Colexio Fingoi

Colexio Fingoi
Tipo	escola
Localización
	43°00′N 7°33′O / 43, -7.55
Estado	España
Comunidade autónoma	Galicia
Provincia	provincia de Lugo
Concello	Lugo
Enderezo	Rúa da Aviación Española, 37.27002 Lugo
Datas
Fundación	1950
Contacto
Páxina WEB	colexiofingoi.com
Redes
	[ Wikidata ]

O Colexio Fingoi é un centro de ensino privado da cidade de Lugo, cuxo primeiro director foi Ricardo Carvalho Calero.

Historia

Foi fundado no ano 1950 polo empresario Antonio Fernández López, acolléndose á Lei de Centros Experimentais que permitía poñer en marcha unha serie de reformas de tipo pedagóxico.^[1] Nos Estatutos deixa deseñado un Modelo Pedagóxico centrado nos Ciclos da Natureza, científico, de coeducación, de ensino globalizado e personalizado, natural, experimental e experiencial que require dun profesorado implicado e comprometido coa reflexión sobre a práctica para ir dando resposta ás diferenzas individuais e ás novas necesidades e retos educativos de cada momento con afán innovador.^[1]

Tivo como primeiro director a Ricardo Carvalho Calero, e como profesores a Anxel Xeán, José Cabanillas, Vicente Devesa, Chicha Fernández, Ana María Pardo Múgica, Luís Gómez Pacios, Carlos Varela Veiga, María Luisa Pumariño Vilela e tamén a Xosé Luís Méndez Ferrín, Bernardino Graña, Arcadio López Casanova.^[1]

O colexio formaba parte dun proxecto cultural máis amplo, o denominado "Centro de Estudos Fingoi", onde se concedían bolsas para investigación e estudo da cultura galega. Para dignificar a cultura galega e introducila na escola, desde os anos corenta organizou Cursos de Formación para mestres rurais.^[1]

No mes de xuño de 2010 tiveron lugar os actos de celebración do 60 aniversario da fundación do colexio.