Abrir o menú principal

Chimamanda Ngozi Adichie

escritora nixeriana

Chimamanda Ngozi Adichie, nada en Abba (Enugu) o 15 de setembro de 1977, é unha escritora, novelista e dramaturga feminista nixeriana.[1].

Chimamanda Ngozi Adichie
ChimamandaAdichie.jpg
Nome completoEnugu
Nacemento15 de setembro de 1977 e 1977
 Enugu
NacionalidadeNixeria
EtniaIgbos
Alma máterUniversidade Yale, Universidade Johns Hopkins, Universidade Drexel e Eastern Connecticut State University
Ocupaciónescritora, mestra, poeta, feminista e novelista
Coñecido/a porPurple Hibiscus e Half of a Yellow Sun
PremiosMacArthur Fellows Program, Baileys Women's Prize for Fiction, Anisfield-Wolf Book Awards, Heartland Prize, Premio Nonino, OkayAfrica 100 Women e O. Henry Award
editar datos en Wikidata ]

TraxectoriaEditar

É a quinta filla do matrimonio de etnia igbo formado por Grace Ifeoma e James Nwoye Adichie. Pasou a súa infancia na cidade de Nsukka, sede da Universidade de Nixeria, nunha casa que anteriormente fora habitada polo escritor Chinua Achebe. A súa nai foi a primeira secretaria de admisións da Universidade de Nixeria, onde o seu pai era profesor de estatística. Aos 19 trasladouse aos Estados Unidos cunha bolsa por dous anos para estudar comunicación e ciencias políticas na Universidade Drexel, Filadelfia. Posteriormente continuou os seus estudos na Universidade Estatal do Leste de Connecticut, na que se graduou en 2001. Realizou así mesmo estudos de escritura creativa na Universidade Johns Hopkins, Baltimore, e un mestrado de estudos africanos en Yale.

 
Bandeira de Biafra, co seu medio sol amarelo no centro.

En 2003, mentres se atopaba estudando en Connecticut, publicou a súa primeira novela, Purple Hibiscus, con boa acollida da crítica e pola que recibiu o Commonwealth Writer's Prize for Best First Book en 2005. A acción da súa segunda novela, Half of a Yellow Sun (2006, así titulada en referencia ao deseño da bandeira da efémera nación de Biafra), desenvólvese durante a guerra civil nixeriana. A obra, encomiada, entre outros, por Achebe, obtivo o Orange Prize for Fiction en 2007.[2]

En 2009 publicou unha colección de relatos breves, titulada The Thing Around Your Neck.[3] Catro anos máis tarde publicou Americanah, Premio do Círculo de Críticos Nacional do Libro. We Should All Be Feminist é o seu primeiro ensaio.

Actualmente vive en Nixeria, onde imparte talleres de escritura creativa, e nos Estados Unidos.[4]

ObraEditar

  • For Love of Biafra (drama, 1998)
  • Decisions (poesía, 1998)
  • You in America (2001)
  • O hibisco púrpura (Purple Hibiscus) (2003)[5]
  • Half of a Yellow Sun (2006)
  • The Thing Around Your Neck (2009)
  • Americanah (2013)
  • We Should All Be Feminist (2015)

NotasEditar

  1. "We should all be feminists", Chimamanda Ngozi Adichie en TEDx Talks, 12 de abril de 2013 (en inglés).
  2. "Nigerian author wins top literary prize", artigo en UK Daily Telegraph, 7 de xuño de 2007 (en inglés).
  3. Recensión do libro en The New York Times, 27 de agosto de 2009 (en inglés).
  4. Grupo Editorial 62 (ed.). Tothom hauria de ser feminista (en catalán). Fanbooks. ISBN 978-84-16297-89-4. 
  5. Ficha da obra, traducida ao galego por Moisés Barcia e publicada por Rinoceronte editora en 2017.