Charles François de Cisternay du Fay
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde marzo de 2020.) |
Charles François de Cisternay du Fay nado en París o 14 de setembro de 1698 e finado o 16 de xullo 1739 foi un físico francés, coñecido en electrostática por diferenciar entre a electricidade positiva e a negativa e tamén por ser o primeiro mordomo do Jardin du Roy (Xardín do rei). De familia prominente con influencia en ambientes militares e eclesiásticos, o seu pai conseguiulle o nomeamento de químico adxunto na Academie des Sciences.
| Charles François de Cisternay du Fay | |
|---|---|
 Charles François du Fay | |
| Datos persoais | |
| Nacemento | 14 de setembro de 1698 |
| Lugar | París Francia |
| Falecemento | 16 de xullo de 1739 |
| Lugar | París |
| Causa | Varíola |
| Nacionalidade | francés |
| Actividade | |
| Campo | |
| Contribucións e premios | |
| Coñecido por | |
| Premios | membro da Royal Society |
| [ editar datos en Wikidata ] | |
TraxectoriaEditar
Aínda sen ter unha formación científica Du Fay pronto destacou nos seus experimentos sobre a electricidade ao decatarse dos traballos de Stephen Gray (quen había descuberto o fenómeno da condutividade eléctrica), dedicou a súa vida ao estudo dos fenómenos eléctricos. Publicou os seus traballos en 1733 sendo o primeiro en identificar a existencia de dous tipos de cargas eléctricas (as denominadas hoxe en día positiva e negativa), que el denominou carga vítrea e carga resinosa, debido a que ambas se manifestaban: dunha forma ao fregar, cun pano de seda, o vidro (carga positiva) e de forma distinta ao fregar, cunha pel, algunhas substancias resinosas como o ámbar ou a goma, (carga negativa).[1] Tamén distinguiu entre condutores e illantes e puxo de manifesto a repulsión entre corpos con igual carga eléctrica.
As observacións de Du Fay en electricidade foron escritas en decembro de 1733 e logo impresas no Volume 38 da "Philosophical Transaction of the Royal Society" en 1734.
En xullo de 1739 infectouse de varíola e morreu os poucos días.
NotasEditar
- ↑ "Charles François de Cisternay Du Fay". www.britannica.com (en inglés). Consultado o 2022-04-06.