Centristas de Ourense

Centristas de Orense
Historia
Fundación	1983
Disolución	1984
Posicións políticas
Ideoloxía	Centro político
Representación
Alcaldías	63 (1983)
Outros datos
Sede	Ourense
	v; c; e;

Centristas de Orense foi un partido galego activo na provincia de Ourense, xurdido da desintegración da Unión de Centro Democrático, despois da desfeita das eleccións xerais de 1982.

Historia

Tarxeta de compromisario do congreso extraordinario de Centristas de Orense, celebrado en marzo de 1984, onde se acordou por unanimidade a integración, por fusión, en Coalición Galega.

Formárono en febreiro de 1983 antigos membros ourensáns de UCD con cargos representativos, alcaldes e concelleiros.^[1] Na súa asemblea constituínte en marzo de 1983 foi elixido Manuel Ubaldo Atanes Romero como presidente e José Lage Lage como secretario xeral, figurando como militante Eulogio Gómez Franqueira.

Nas eleccións municipais de 1983 Centristas de Ourense concorreu en coalición conxuntamente co Partido Galeguista, excentristas doutras provincias e a Converxencia Galega de Independentes, baixo a denominación de Coalición Galega. A coalición acadou 63 das 92 alcaldías da provincia de Ourense, así como a maioría na Deputación de Ourense (13 deputados). Na asemblea de xuño de 1983 nomeouse Santos Oujo Bello como secretario xeral en substitución de José Lage Lage.

No congreso extraordinario de Centristas de Ourense en marzo de 1984 acordouse por unanimidade a integración, por fusión, en Coalición Galega.^[2] Na mesa deste congreso, ademais do presidente e o secretario xeral anteriormente nomeados, aparecían: Victorino Nuñez Rodríguez, presidente da Deputación de Ourense, Senén Bernárdez Álvarez, senador e deputado da Cámara galega, Aurelio Miras Portugal, deputado provincial, e Manuel Vázquez Outeiriño (alcalde da Merca) en representación dos alcaldes da provincia.

Coa escisión de Coalición Galega en marzo de 1985, gran parte dos seus membros, entre eles 34 alcaldes, integrouse no novo partido creado por Victorino Núñez, Centristas de Galicia.

Notas

↑ "Nace "Centristas de Orense", formado por los hasta ahora miembros de UCD". La Región. 24 de febreiro de 1983. p. 5.
↑ "Centristas de Orense determinan integrarse por unanimidad en Coalición Galega". La Región. 11 de marzo de 1984. p. 8.

Véxase tamén

Ligazóns externas

"Centristas de Orense acordaba la integración en Coalición Galega". La Voz de Galicia (en castelán). 17 de marzo de 2024.

[1] "Nace "Centristas de Orense", formado por los hasta ahora miembros de UCD". La Región. 24 de febreiro de 1983. p. 5.

[2] "Centristas de Orense determinan integrarse por unanimidad en Coalición Galega". La Región. 11 de marzo de 1984. p. 8.

[1]

[2]