Cayetano Gil Taboada
Cayetano Gil Taboada, nado en Barcia (Lalín) o 7 de agosto do 1688 e finado en Santiago de Compostela o 12 de maio do 1751, foi bispo da diocese de Lugo entre 1736 e 1745 e arcebispo da arquidiocese de Santiago de Compostela dende 1745 ata o seu pasamento.
| Cayetano Gil Taboada | |
|---|---|
| Nacemento | 7 de agosto de 1688 |
| Lugar de nacemento | Barcia |
| Falecemento | 12 de maio de 1751 |
| Lugar de falecemento | Santiago de Compostela |
| Nacionalidade | España |
| Relixión | Igrexa católica |
| Ocupación | sacerdote católico |
| [ editar datos en Wikidata ] | |
Traxectoria Editar
Afillado de Felipe Antonio Gil Taboada, que o apoiou na súa carreira relixiosa. Estudou Filosofía en San Xerome e Xurisprudencia en Fonseca e Valladolid. Foi reitor do Colexio Maior de Fonseca en 1713, catro anos despois de doutorarse.
En 1718 foi nomeado provisor e gobernador eclesiástico e en 1725 cóengo e inquisidor de Sevilla. Trasladado a Compostela, foi inquisidor e administrador do Real Hospital. En 1736 foi nomeado bispo de Lugo, onde rematou o edificio do bispado, que exhibe os seus escudos na fachada. En 1745 foi arcebispo de Santiago, durante o seu mandato construíuse a fachada do Obradoiro, na que está o seu escudo.