Castelo de Zamora

Castelo de Zamora
	ben de interese cultural
Concello	Zamora
Provincia	Zamora
Comunidade; autónoma	Castela e León
Coordenadas	41°29′59″N 5°45′22″O / 41.4998, -5.7561Coordenadas: 41°29′59″N 5°45′22″O / 41.4998, -5.7561
Estilo arquitectónico
Estilo orixinal	románico con modificacións posteriores (séculos XI-XXI)
Estilo actual	Ruínas restauradas
	[ editar datos en Wikidata ]

O castelo de Zamora é unha fortificación da localidade de Zamora (Castela e León), de orixe medieval.

Historia editar

Orixe editar

A orixe do propio edificio expón o primeiro problema. Segundo as crónicas foi mandado construír por Afonso II de Asturias, aínda que os estudos realizados por diferentes historiadores afirman que probablemente estaría realizado por Fernando I de León a mediados do século XI. En calquera caso, desta época quedan moi poucos restos.

A Catedral de Zamora vista dende o Castelo

Paso do tempo editar

A cidade de Zamora constituía un alicerce básico para os reinos cristiáns no proceso de reconquista. De feito, a conquista desta cidade aos árabes é descrita nas súas crónicas como unha desfeita terrible. Por esta razón, historicamente tivo importancia desde a súa edificación ata séculos posteriores. Baixo o reinado de Filipe V fixéronselle reformas destinadas a adaptalo ás novas técnicas de guerra, como a potente artillaría.

Actualidade editar

Hoxe en día consérvase o perímetro do castelo, rodeado por un foxo que se atopa case íntegro. Os muros máis importantes, o patio de armas e a torre da homenaxe tamén chegaron ata os nosos días. O Decreto de 22/04/1949 declárao baixo a súa protección, mentres que na lei 16/1985 sinálaselle protexido polo Patrimonio Histórico Español. Hoxe en día é propiedade do Ministerio de Educación, Cultura e Deportes, que se encarga da súa conservación. A cidade de Zamora utilizouno para albergar a Escola de Arte e Superior de Deseño de Zamora, e ata o 2007 abeirou a Escola Oficial de Idiomas.

Despois de catro anos de obras, no 2009 concluíron os traballos de recuperación e consolidación das estruturas defensivas do Castelo de Zamora, e puido abrirse ao público para a súa visita, cunha imaxe totalmente renovada tanto da fortaleza como dos xardíns lindeiros. Integrado no recinto defensivo, e formando parte do seu conxunto e da súa estrutura, instalouse o espazo expositivo Baltasar Lobo, Castelo Centro de Arte, dedicado á obra do escultor zamorano.

Características editar

Configuración editar

O castelo de Zamora ten unha planta con forma de rombo. Nela sobresaen tres torres (dúas con cinco puntas e unha con sete). Todo o edificio está flanqueado por un foxo de gran profundidade, que á súa vez lle dá seguridade o gran grosor dos muros -máis de dous metros de media-. Para acceder a el hai unha ponte que outrora era levadiza e que vai parar a unha porta cun arco apuntado.

Tal e como se dixo antes, da base orixinal non quedan moitos vestixios. Ademais, tras as reformas acometidas por Filipe V boa parte da estrutura foi modificada, coa inclusión dun terraplén e algúns elementos adaptados ao contexto da época.

Importancia editar

Trátase dunha das obras máis importantes dentro do recinto amurallado da propia cidade, así como do contexto castelán-leonés en xeral. Está situado sobre unha elevación natural que lle daría máis poder defensivo.

Arredores do Castelo editar

A carón do castelo está o Parque do Castelo, formado por uns xardíns e un miradoiro. Esta zona reflicte as reformas levadas a cabo entre os séculos XVI e XVIII, e cunha simple ollada pódese observar unha curiosa conxugación entre propostas arquitectónicas separadas no tempo por varios séculos.