Casa Señorial de Rayküla

Coordenadas: 58°56′06″N 24°45′29″L / 58.935086, 24.758006

A Casa Señorial de Raiküla (en estoniano Raikküla mõis; en alemán Gutshaus Rayküll) é un edificio de arquitectura clasicista situado no Condado de Rapla, Estonia.

Historia

A mansión é un dos exemplos máis belos da arquitectura clasicista de Estonia.^[1] Esta Casa Señorial, que aparece mencionada por primeira vez en 1469, está relacionada coa aristocracia xermano-báltica de Curlandia, como as familias dos Staals, os Kankrins e os Keyserlings,^[2] e foi un dos principais lugares de reunión para estes aristócratas.

O naturalista Alexander von Keyserling casou en 1844 coa condesa Zénaide Cancrin (1821-1885), filla do ministro de Finanzas do tsar Nicolao I Georg von Cancrin,^[3] e adquiriu a mansión co dote do seu matrimonio; alí retirouse en 1847 cando deixou a súa carreira académica.

Na mansión naceu e viviu o filósofo conde Hermann von Keyserling (1880-1946), neto de Alexander, que foi o seu derradeiro propietario. Foi expropiada, como as de toda a nobreza terratenente, polo goberno da nova República de Estonia en outubro de 1919.^[4]

A biblioteca da mansión é a biblioteca señorial máis grande de Estonia. O primeiro xardín de rochas de Estonia foi establecido na propiedade polo naturalista Alexander von Keyserling. A escaleira traseira do edificio, completamente renovada, constitúe unha sala de concertos perfecta.^[1]

Despois dun incendio en 1960, a casa quedou en ruínas durante moito tempo. Actualmente ^[cando?] está sendo renovada. A aproximadamente a 1 km da mansión está o cemiterio familiar da familia de Alexander von Keyserling.^[2] Na actualidade celébranse feiras de libros e espectáculos de verán.^[1]

Galería de imaxes

Parque
Cemiterio
Campanario
Sala de máquinas da mansión Raikküla
Edificio principal. Escaleira restaurada

Notas

↑ ^1,0 ^1,1 ^1,2 Raikküla Manor Arquivado 25 de marzo de 2018 en Wayback Machine. en visitestonia.com (en inglés).
↑ ^2,0 ^2,1 Raikküla Manor en Estonian Manors. (en inglés).
↑ Até finais do século XVIII, os Cancrin usaron escasamente o von xermánico (de feito, o seu nome exacto é Cancrinus, nominativo latino e tradución bastante libre do seu patronímico orixinal Krebs), salvo en certos escritos, e non foi até a integración da familia no seo da nobreza rusa (1798), cando o patronímico foi definitivamente fixado en von Cancrin, xa se escribia en alemán en aplicación da lexislación local. Permanece como Kankrín (Канкрин) en ruso, sen o von, de acordo co costume para a rusificación dos patronímicos alemáns.
↑ Garthe, Barbara (1976): Über Leben und Werk des Grafen Hermann Keyserling. Darmstadt: Diss. Erlangen.

Véxase tamén

Outros artigos

Alexander von Keyserling

Ligazóns externas

Raikküla mõis (en estoniano).
Kaks fanaatikut taastavad salapärast Raikküla mõisa (en estoniano).

[R-1] 1,0 ^1,1 ^1,2 Raikküla Manor Arquivado 25 de marzo de 2018 en Wayback Machine. en visitestonia.com (en inglés).

[EM-2] 2,0 ^2,1 Raikküla Manor en Estonian Manors. (en inglés).

[3] Até finais do século XVIII, os Cancrin usaron escasamente o von xermánico (de feito, o seu nome exacto é Cancrinus, nominativo latino e tradución bastante libre do seu patronímico orixinal Krebs), salvo en certos escritos, e non foi até a integración da familia no seo da nobreza rusa (1798), cando o patronímico foi definitivamente fixado en von Cancrin, xa se escribia en alemán en aplicación da lexislación local. Permanece como Kankrín (Канкрин) en ruso, sen o von, de acordo co costume para a rusificación dos patronímicos alemáns.

[4] Garthe, Barbara (1976): Über Leben und Werk des Grafen Hermann Keyserling. Darmstadt: Diss. Erlangen.

[1]

[2]

[3]

[4]