Carballo, Taboada

Carballo
	Casa do Concello
Concello	Taboada
Provincia	Lugo
Poboación	796 hab. (2014)
Entidades de poboación	5
	[ editar datos en Wikidata ]

Para outras páxinas con títulos homónimos véxase: Carballo (homónimos).

San Tomé do Carballo é unha parroquia do concello de Taboada na comarca de Chantada, na provincia de Lugo. Segundo o IGE en 2014 tiña 796 habitantes (364 homes e 432 mulleres), o que supón unha diminución en relación ao ano 1999 cando tiña 849 habitantes. Alberga a capital municipal.

XeografíaEditar

Atópase no centro xeográfico do concello, nunha planicie dominada por pastos e bosques autóctonos e de piñeiro e de eucalipto en menor medida. Está atravesada polo río Toldao.

HistoriaEditar

Debe o seu nome ao centenario Carballo de Ramos, situado na finca homónima, no extremo sur da vila de Taboada, catalogado como árbore senlleira pola Xunta de Galicia^[2].

No lugar de Relás foi construído un pazo pertencente a unha rama da familia dos Taboada, actualmente de titularidade privada e en bo estado de conservación.

Non se constituíu como parroquia até 1898 debido ao desenvolvemento da vila de Taboada, capital municipal dende a constitución do concello no 1840. Até entón o territorio que vai dende o norte até o curso do rego da Anguieira pertencía a San Pedro de Bembibre.

A parroquia acadou un notable desenvolvemento nas primeiras décadas do século XX, debido, entre outros, á súa favorable situación xeográfica e a albergar os xulgados do partido xudicial de Chantada. Nestes anos construíuse a casa de Manuel Rigueira, de estilo modernista (1919), e a igrexa parroquial (1920).