Cabo Trafalgar

Coordenadas: 36°11′00″N 6°02′00″O / 36.183333333333, -6.0333333333333

O cabo de Trafalgar (do árabe: رأس الطرف الأغرّ Taraf al Ghar, o cabo da cova^[1]^[2]) é un cabo español pertencente ao termo municipal de Barbate, situado na costa atlántica da provincia de Cádiz, en Andalucía.

Vista parcial da praia de Los Caños de Meca e o faro do cabo Trafalgar ao fondo.

Trátase dun pequeno illote situado entre as enseadas de Conil e Barbate unido ao continente por un dobre tómbolo de area, que se considera o extremo noroccidental do estreito de Xibraltar. Nel hai un faro e restos arqueolóxicos dunha factoría romana de salgaduras e dun asentamento hispano-musulmán.

Nas súas inmediacións tivo lugar o 21 de outubro de 1805 a soada batalla de Trafalgar, na que a escuadra franco-española foi derrotada pola inglesa ao mando do almirante Nelson.

Forma parte da Rede de Espazos Naturais Protexidos de Andalucía (RENPA), coa categoría de monumento natural e baixo o nome de Tómbolo de Trafalgar.

Notas editar

↑ Véxase a páxina persoal de HERRERO INGELMO, José Luis. Profesor do Departamento de Lingua Española. Facultade de Filoloxía da Universidade de Salamanca. Arquivado 15 de decembro de 2004 en Wayback Machine.
↑ Véxase a definición de algar no DRAE

Véxase tamén editar

Ligazóns externas editar

Monumento Natural Tómbolo de Trafalgar Arquivado 18 de novembro de 2013 en Wayback Machine. (en castelán)
Cabo Trafalgar Cádiz Turismo (en castelán)

[1] Véxase a páxina persoal de HERRERO INGELMO, José Luis. Profesor do Departamento de Lingua Española. Facultade de Filoloxía da Universidade de Salamanca. Arquivado 15 de decembro de 2004 en Wayback Machine.

[2] Véxase a definición de algar no DRAE

[1]

[2]