Centre national de la recherche scientifique

O Centre national de la recherche scientifique (Centro Nacional de Investigación Científica), coñecido polo acrónimo da súa sigla CNRS, é o meirande organismo de investigación científica de carácter público de Francia.

Historia

Fundouse o 19 de outubro de 1939 tras fusionárense a Caisse nationale de la recherche scientifique e a Office national des recherches scientifiques et des inventions.

Funcións

Produce sabedoría e pon este saber ao servizo da sociedade.
A Lei 82-610 do 15 de xullo de 1982 de orientación e de programación para a investigación e o desenvolvemento tecnolóxico de Francia, coas súas modificacións posteriores, rixe os obxectivos, funcións e funcionamento da investigación pública en Francia e polo tanto é un dos textos fundamentais do CNRS, sendo este organismo un medio institucional da política de investigación en Francia.

É o artigo 14 do segundo capítulo da lei o que fixa os obxectivos dos organismos públicos encargados da investigación:

• o desenvolvemento e o progreso da investigación en todos os terreos do coñecemento;
• a valorización dos resultados da busca;
• a difusión dos coñecementos científicos;
• a formación á investigación e pola investigación.

A organicación e o funcionamento do CNRS están nese marco. O CNRS dedícase á investigación fundamental para favorecer o desenvolvemento. Desenvolve colaboracións en Europa e no resto do mundo, coas empresas, co ensino superior, coas colectividades territoriais e outros organismos en capacidade de aproveitar a busca básica, coa finalidade de responder ás necesidades da economía e da sociedade. É un dos editores de publicacións científicas dos máis recoñecidos a nivel internacional. No CNRS formanse científicos de nivel internacional, a maioría dos científicos franceses que recibiron premios Nobel, iniciaron carreira no CNRS ou pasaron unha etapa da carreira científica nel.

Organización

Institutos públicos

No 2010, dez institutos, dos cales tres son nacionais, reagrupan todas as disciplinas maiores:

• Institut des sciences biologiques (INSB) (ciencias biolóxicas)
• Institut de chimie (INC) (química)
• Institut écologie et environnement (INEE) (ecoloxía e medio ambiente)
• Institut des sciences humaines et sociales (INSHS) (ciencias humanas e sociais)
• Institut des sciences informatiques et de leurs interactions (INS2I) (ciencias informáticas e das súas interaccións)
• Institut des sciences de l’ingénierie et des systèmes (INSIS) (ciencias da enxeñaría e dos sistemas)
• Institut national des sciences mathématiques et de leurs interactions (INSMI) ciencias matemáticas e das súas interaccións
• Institut de physique (INP) (física)
• Institut national de physique nucléaire et physique des particules (IN2P3) (física nuclear e física das partículas)
• Institut national des sciences de l’univers (INSU) (ciencias do universo)

Véxase tamén

Outros artigos

• Frédéric Joliot, director xeral (20 de agosto de 1944 - 3 de febreiro de 1946)

Ligazóns externas

Web oficial do CNRS.