Carl Schleicher
Carl Schleicher, sendo o seu nome de nacemento Cölestin Schleicher[1], nado en Lemberg (Lviv), Imperio Austríaco, no ano 1825 e finado en Padua, Reino de Italia, o 2 de outubro de 1903[1][2], foi un pintor realista do século XIX.
| Biografía | |
|---|---|
| Nacemento | (de) Cölestin Schleicher  1825 Lviv |
| Morte | 2 de outubro de 1903 (77/78 anos) Padua |
| Actividade | |
| Campo de traballo | Jewish art (en)  |
| Lugar de traballo | Viena |
| Ocupación | pintor |
Sinatura  | |
Traxectoria editar
Desenvolveu a súa obra principalmente en Viena entre os anos de 1860 e 1870. Foi alumno do pintor austríaco Ferdinand Georg Waldmüller[1]. Particularmente coñecido polos retratos de rostros e o intercambio de ideas e interpretacións entre os rabinos talmudista, adicándolle unha cantidade considerable de cadros ó óleo[3]. Cargadas de material anecdótico, as pinturas dedicadas ós debates talmúdicos constitúen un valioso rexistro dos usos e costumes dos xudeus asquenacís en Europa, cultura e acervo coñecidos como Yiddishkayt[4].
As pinturas de Cölestin Schleicher caracterízanse por seren non só considerablemente descritivas, senón ademais por capturar con incomparable agudeza a atmosfera de estudo que rexía a vida dos talmudistas: estudo por certo non exento de seriedade e dedicación, incluíndo interesantes diálogos e ideas sorprendentes, pero tamén contradicións problemáticas, discusións interminables e un humor desopilante.
Galería de imaxes editar
-
Beim Rabbi -
Der Bücherwurm -
Ein lesender Mönch -
Ein schreibender Mönch
Notas editar
- ↑ 1,0 1,1 1,2 Pintura e acuarelas do século XIX: Carl (Cölestin) Schleicher, na páxina web Dorotheum Arquivado 18 de outubro de 2019 en Wayback Machine. (comprobado o 14 de maio de 2015)(en inglés).
- ↑ Carl Schleicher na páxina web Arcadja Arquivado 18 de maio de 2015 en Wayback Machine. (comprobado o 13 de maio de 2015)(en inglés).
- ↑ Entre eles destacan Eine Streitfrage aus dem Talmud [Unha controversia calquera a partir do Talmud], Rabbi gelehrten in einer Debatte [Rabinos debatendo], Talmudische Diskussion [Discusión talmúdica], Eine Frage der Dispute im Talmud [Un asunto talmúdico en disputa] e Ein Talmudstreit [Unha disputa talmúdica]; os títulos das súas obras aquí enumerados correspóndense con aqueles dos seus traballos exhibidos en MutualArt (comprobado o 13 de maio de 2015).
- ↑ Valiosa mostra porque a maior parte das comunidades asquenacís de Europa e a súa diversidade cultural perdéronse como consecuencia da Shoah.
Véxase tamén editar
Wikimedia Commons ten máis contidos multimedia na categoría: Carl Schleicher  |