Cébaco
Cébaco é unha illa localizada ao suroeste de Panamá, especificamente ao sur do golfo de Montijo, no océano Pacífico; ao sur da provincia de Veraguas e a uns 15 km ao oeste da península de Azuero. Administrativamente forma parte do distrito de Montijo. Ten unha área de 80 km² e é a terceira illa máis grande do país (superada só por Coiba e a Illa del Rey).[1]
Cébaco | |
---|---|
Situación | |
País | Panamá |
Provincia de Veraguas | |
Coordenadas | 7°34′30″N 81°4′27″O / 7.57500, -81.07417Coordenadas: 7°34′30″N 81°4′27″O / 7.57500, -81.07417 |
Xeografía | |
Superficie | 80 km² |
Punto máis alto | 349 msnm, Cerro Chichica |
Xeograficamente posúe unha forma alongada, dunha anchura de entre 2 e 5 km e 25 km de longo, estendéndose de leste a oeste. No oeste atópanse as máximas elevacións, resaltando o Cerro Chichica (349 m). Tamén cabe destacar algúns accidentes xeográficos tales como Punta Surrones (punto extremo occidental); Punta Chichica e Punta Puerto Hondo, na costa sur; e Punta Campana (punto extremo oriental).[1]
A uns 3 km ao noroeste de Cébaco atópase a Illa Gobernadora, de menor tamaño e onde se localiza o pobo de Gobernadora, cabeceira do correxemento de Gobernadora, ao cal pertence Cébaco. Tamén ao oeste de Cébaco atópase a illa de Coiba, a maior do país.
Na illa existe unha pequena poboación local que se dedica especialmente á pesca; aínda que en anos recentes, a pesca deportiva, promocionada polos turistas, tamén se practica nesta zona.