Burzum
Burzum foi un proxecto musical de black metal formado en 1991 polo músico noruegués Count Grishnackh (sic, cuxo nome real é Varg Vikernes). Está considerado coma un dos proxectos impulsores do black metal noruegués a comezos da década de 1990.
| Burzum | |
|---|---|
 | |
 Varg Vikernes, único membro de Burzum. | |
| Nado en | Bergen, Noruega |
| Xénero | Black metal, ambient black metal, dark ambient, ambient, lo-fi |
| Relacionado con | Mayhem, Old Funeral, Darkthrone, Emperor |
| Tempo en activo | 1991 – 1999 e 2009 – 2018 |
| Na rede | |
| Páxina web oficial | |
       | |
| [ editar datos en Wikidata ] | |
Só conta cun único integrante, Varg Vikernes (quen integrou grupos como Uruk-Hai e Old Funeral); aínda que contou coa colaboración doutros músicos como Euronymous e Samoth. As primeiras gravacións de Burzum saíron á venda en 1991.
Orixe do nome editar
O nome Burzum significa escuridade en lingua negra, o idioma de Mordor, creado por J. R. R. Tolkien. Segundo o propio Vikernes «O mundo precisa escuridade, porque o exceso de luz nin nos aluma nin nos abriga, senón que céganos e abrásanos». A frase máis coñecida onde aparece esta palabra é na inscrición do anel único, da novela O Señor dos Aneis: «Ash Nazg durbatulûk, ash Nazg gimbatul, ash Nazg thrakatulûk agh burzum-ishi krimpatul».
Asasinato de Euronymous editar
O 10 de agosto de 1993, Vikernes asasinou de forma premeditada a Øystein Aarseth (Euronymous) a puñaladas na súa vivenda, polo que foi condenado a 21 anos de prisión, a pena máxima en toda a historia de Noruega, ao descubrirse tamén a súa participación na queima de tres igrexas históricas. Euronymous era dono da discográfica Deathlike Silence, que sacou á venda os primeiros discos de Burzum, e membro fundador da popular banda de black metal Mayhem, na que Vikernes colaborou como baixista. Os motivos polos que o matou foron descoñecidos durante moito tempo, polo que a prensa publicou todo tipo de interpretacións e elucubracións. Malia isto, anos máis tarde soubose por medio dunha carta dirixida a Vikernes e escrita por un coñecido de Aarseth, que Vikernes realmente asasinouno en defensa propia, xa que nela afirmábase que Aarseth pretendía facer o propio con el. O 24 de maio de 2009, Varg Vikernes saíu baixo liberdade provisional de prisión.[1]