Bronisław Malinowski

Bronisław Kasper Malinowski, nado en Cracovia (Polonia) o 7 de abril de 1884 e finado o 16 de maio de 1942, foi un antropólogo polaco.

Bronisław Malinowski

Biografía
Nacemento	7 de abril de 1884 Cracovia (Imperio Austrohúngaro)
Morte	16 de maio de 1942 (58 anos) New Haven (Estados Unidos de América)
Causa da morte	infarto agudo de miocardio
Lugar de sepultura	Evergreen Cemetery (en) Connecticut
Educación	Universidade Iaguelónica de Cracovia - matemáticas, ciencias físicas London School of Economics Universidade de Leipzig Jan III Sobieski High School in Kraków (en)
Actividade
Campo de traballo	Antropoloxía cultural
Ocupación	antropólogo, etnógrafo, fotógrafo, antropólogo social, profesor universitario, profesor universitario, sociólogo, etnólogo
Período de actividade	1915 - 1925
Empregador	Universidade Cornell London School of Economics Universidade Yale
Membro de	Real Academia de Artes e Ciencias dos Países Baixos
Interesado en	Melanésios (pt)
Profesores	Wilhelm Wundt
Alumnos	Fei Xiaotong (pt) , Jomo Kenyatta, Raymond Firth (pt) , E. E. Evans-Pritchard (pt) , Z. K. Matthews (en) , Meyer Fortes (pt) e Hortense Powdermaker (pt)
Influencias	Émile Durkheim
Obra
Doutorando	Edmund Leach (pt) , Hilda Kuper (pt) , Audrey Richards (pt) , Z. K. Matthews (en) e Raymond Firth (pt)
Familia
Familia	Q63532432
Cónxuxe	Valetta Swann (1940–1942) Elsie Masson (1919–1935)
Pai	Lucjan Malinowski
Premios
(1932)  Messenger Lectures  membro de honra da Real Sociedade Te Apārangi
Descrito pola fonte	Obálky knih, Medvik >>>:Malinowski, Bronisław, 1884-1942, Polish Biographical Dictionary (en)

Traxectoria

Naceu en Cracovia (Polonia) cando formaba parte da provincia austrohúngara Reino de Galicia e Lodomeria, nunha familia de clase media alta, o seu pai era profesor e a súa nai era filla dun terratenente.

Dende 1910, Malinowski estudou economía na London School of Economics, dándolle clases Seligman e Westermarck, analizando os patróns de cambio na Australia aborixe mediante documentos etnográficos. En 1914 déronlle a oportunidade de viaxar a Nova Guinea co antropólogo R.R. Marett, pero como estalou a primeira guerra mundial e Malinowski era austríaco, inimigo da Commonwealth británica, non puido realizar a súa viaxe de volta de Inglaterra. O goberno australiano, con todo, deulle permiso e fondos para realizar un traballo etnográfico nos seus territorios e Malinowski escolleu ir ás illas Trobriand (Melanesia) onde permaneceu varios anos, estudando a cultura indíxena. Tras o seu regreso a Inglaterra despois da guerra, publicou Argonauts of the Western Pacific (1922). Foi conferenciante e máis tarde comezou a dar clases de antropoloxía na London School of Economics, atraendo un gran número de estudantes e exercendo grande influencia sobre o desenvolvemento da British Social Anthropology. Entre os seus alumnos estaban antropólogos prominentes como Raymond Firth, E. E. Evans-Pritchard, Hortense Powdermaker, Edmund Leach, Audrey Richards e Meyer Fortes. Desde 1933, visitou varias universidades americanas e cando estalou a segunda guerra mundial, decidiu quedar en Yale. Alí permaneceu o resto da súa vida, influíndo a unha xeración de antropólogos americanos.

Pensamento

Malinowski está considerado un dos etnógrafos máis expertos da antropoloxía, especialmente polo seu metódico e ben teorizado estudo dos sistemas sociais. É o primeiro investigador en incorporar a antropoloxía "off terraza" (unha frase que é tamén o nome dun documental sobre o seu traballo), é dicir, experimentando a vida cotiá dos seus observados xunto con eles. Malinowski salientou a importancia da observación detallada participante e argumentou que os antropólogos deben ter contacto diario cos seus informantes se están facendo adecuadamente os "Imponderabilia da vida cotiá", que son tan importantes para a comprensión dunha cultura diferente.

Obras

• The family among the Australian Aborigines: a sociological study, 1913.
• Argonauts of the Western Pacific: An account of native enterprise and adventure in the Archipelagoes of Melanesian New Guinea, 1922.
• Mutterrechtliche Familie und Ödipus-Komplex. Eine psychoanalytische Studie, 1924.
• Myth in primitive psychology, 1926.
• Crime and custom in savage society, 1926.
• Sex and Repression in Savage Society, 1927.
• The Sexual Life of Savages in North-Western Melanesia. An Ethnographic Account of Courtship, Marriage, and Family Life Among the Natives of the Trobriand Islands, British New Guinea, 1929.
• Coral gardens and their magic, 1935.
• A Scientific Theory of Culture and Others Essays, 1944.
• The Dynamics of Culture Change: An Inquiry Into Race Relations in Africa, 1946.
• Freedom & Civilization, 1947.
• Magic, Science and Religion and Other Essays, 1948.
• Sex, Culture, and Myth, 1962.
• A Diary in the Strict Sense of the Term, 1967.
• The early writings, 1993.

Véxase tamén

Bibliografía

• Bohannan, Paul (2010). Para raros, nosotros. Introducción a la antropología cultural. Madrid: Akal. ISBN 978-84-460-0664-0.