Boeing 377
O Boeing 377, tamén chamado Stratocruiser, foi un avión de pasaxeiros de longo alcance fabricado tras a segunda guerra mundial por Boeing.[3] Foi desenvolvido a partir do C-97 Stratofreighter, un derivado do B-29 Superfortress usado para o transporte de tropas. O primeiro voo do Stratocruiser realizouse o 8 de xullo de 1947.[4]
| Boeing 377 | |
|---|---|
 | |
| Tipo | pasaxeiros |
| Fabricante | Boeing |
| Primeiro voo | 8 de xullo de 1947 |
| Introducido | 1 de abril de 1949 |
| Retirado | 1963 |
| Principais usuarios | Pan Am |
| Unidades construídas | 56[1][2] |
| Variantes | Aero Spacelines Pregnant Guppy Aero Spacelines Super Guppy Aero Spacelines Mini Guppy |
Aparecido a finais dos anos 40, o avión estaba impulsado por catro motores de pistóns, consumía pouco combustible para a época e era capaz de voar a unha altura de 9.700 metros. Tiña tamén unha cabina presurizada, que era unha característica relativamente nova na aviación comercial do tempo.
Con este modelo, as aeroliñas foron capaces de realizar voos transoceánicos máis rápida e doadamente. O avión realizou frecuentemente voos transoceánicos a lugares como Hawai, destinos complicados antes da aparición do 377. Porén, non era moi fiable e só se construíron 56 unidades.
O avión tiña dous pisos. O superior para pasaxeiros de clase turista, mentres que o inferior estaba ocupado para pasaxeiros VIP e tiña un salón con bar. Os viaxeiros padían baixar e tomar unha bebida nos voos longos, unha vez que o avión chegaba á altura de cruceiro. De todos os xeitos, a meirande parte dos Stratocruisers tiñan asentos de clase turista nos dous pisos.
Cando se introduciron os reactores a finais dos anos 50, os avións de hélice non podían facerlle a competencia aos novos modelos, e moitos foron vendidos. Outros foron descartados e algúns a compañía Aero Spacelines convertíunos en Guppys, versións do Stratocruiser cunha fuselaxe máis longo e turbohélices. Unha versión, o Super Guppy, foi usada por Airbus como avión de transporte de partes dos seus aparellos entre as distintas fábricas, ata que foron substituídos polo Airbus Beluga.
Notas
editar- ↑ "Boeing: Historical Snapshot: Model 377 Stratocruiser Commercial Transport". www.boeing.com.
- ↑ "Boeing 377 Stratocruiser". www.aviation-history.com.
- ↑ Redding and Yenne 1997, p. 68.
- ↑ "Boeing History: Stratocruiser Commercial Transport". Boeing.com. 1947-07-08. Arquivado dende o orixinal o 6 de xuño de 2012. Consultado o 18 de xuño de 2012.
Véxase tamén
editarLigazóns externas
editar- Air Disaster, Vol. 4: The Propeller Era, by Macarthur Job, Aerospace Publications Pty. Ltd. (Australia), 2001 ISBN 1-875671-48-X
- Redding, Robert; Yenne, Bill (1997). Boeing: Planemaker to the World. San Diego, California: Thunder Bay Press. pp. 68–71. ISBN 1-57145-045-9.
- Taylor, H. A. "Tony" (abril-xuño de 1982). "Stratocruiser... Ending an Airline Era". Air Enthusiast (18): 37–53. ISSN 0143-5450.
- Wilson, Stewart (1999). Airliners of the World. Fyshwick, Australia: Aerospace Publications. ISBN 1-875671-44-7.
- Wilson, Stewart (1998). Boeing 707, Douglas DC-8 & Vickers VC-10. Fyshwick, Australia: Aerospace Publications. ISBN 1-875671-36-6.
|
Este artigo sobre aviación é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |