Biomasa (enerxía)
A biomasa, entendida como unha fonte de enerxía, é o termo que acolle á masa vexetal, fitomasa, e masa animal, zoomasa, que se emprega para xerar outras formas de enerxía, en esencia por combustión. A fitomasa é masa vexetal producida polas comunidades vexetais, que relizan a fotosíntese para xerar a súa biomasa, e a zoomasa é son os restos animais ou excrecións.[1] A fitomasa inclúe a leña e poda, a residuos forestais e agrícolas e subprodutos de industrias de transformación da madeira.
| Enerxías renovables |
|---|
 |
| Biodiésel Biomasa Enerxía xeotérmica Enerxía hidráulica Enerxía solar Enerxía mareomotriz Enerxía undimotriz Enerxía eólica |
- Véxase tamén: biomasa.
Algúns sectores industriais considérana unha enerxía renovable. Porén, non existen un consenso científico, xa que implica unha liberación neta de carbono á atmosfera, unha maior degradación dos solos e un risco para as zonas de conservación da biodiversidade.[2][3]
Impacto ecolóxico
editarA biomasa como unha fonte de enerxía é unha das fontes que recibiron máis atención desde o 2000. Arguméntase que é unha fonte de enerxía de fácil obtención en zonas onte as reservas de combustibles fósiles non existen ou non abundan.[1] Algúns sectores refírense a este método de obtención de enerxía chamándolle enerxía renovable despois de argumentar que a liberación de carbono a atmosfera, por combustión, é menor que a enerxía consumida para o transporte da biomasa ás plantas de produción.[2][3]
Porén, dentro do sector científico existen unha ampla crítica a este método e non o consideran como unha fonte de enerxía renovable.[3] A queima de biomasa supón unha emisión neta de carbono á atmosfera, o que facilita o actual cambio climático.[1][3] Ademais, a produción de biomasa implica un maior risco de degradación de áreas conservadas, unha maior necesidade de explotación de solo, a liberación de material contaminante ás augas e un incremento na polución agrícola. Pode supor ademais un risco global de competencia polo aproveitamento de solos xa que se necesitan extensións importantes para produción de alimentos e carnes en granxas. O aumento na extensión de monocultivos, tanto animais como vexetais, reduce a biodiversidade dos solos aproveitados. Pode supoñer un retroceso na conservación de áreas protexidas e a degradación de ecosistemas para especies en risco de extinción.[3]
Considerándoa a escala global, estimase que o potencial de produción de enerxía con biomasa sería só arredor do 5% da enerxía total consumida no planeta no ano 2006.[3] Por iso, inda que a produción neta de enerxía sexa positiva, non satisfai as necesidades en termos absolutos da poboación mundial como para substituír ningunha outra fonte de enerxía, como os recursos fósiles.[3]
Notas
editar- ↑ 1,0 1,1 1,2 Abbasi, Tasneem; Abbasi, S. A. (2010-04-01). "Biomass energy and the environmental impacts associated with its production and utilization". Renewable and Sustainable Energy Reviews 14 (3): 919–937. ISSN 1364-0321. doi:10.1016/j.rser.2009.11.006. Consultado o 2017-11-12.
- ↑ 2,0 2,1 Warren Cornwall (5/01/2017). Science Magazine, eds. "Is wood a green source of energy? Scientists are divided". Arquivado dende o orixinal o 12/11/2017. Consultado o 11/11/2017.
- ↑ 3,0 3,1 3,2 3,3 3,4 3,5 3,6 Field, Christopher B.; Campbell, J. Elliott; Lobell, David B. (2008-02-01). "Biomass energy: the scale of the potential resource". Trends in Ecology & Evolution 23 (2): 65–72. ISSN 0169-5347. doi:10.1016/j.tree.2007.12.001. Consultado o 2017-11-12.
Véxase tamén
editarOutros artigos
editar
|
Este artigo sobre ciencias é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |